Ezekiyel 3:14 - Bible azumeina

¹⁴ Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Ezekiyel 3:14 ပူးပေါင်းရင်းမြစ်များ

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

1 Amuleina 18:46

Elie mi djin d’ik mama furumu, Ma didina mi hum ad’enga, mi ring avok pus ma akulumeina hi Ahap-ma, mi mbaza avun azì ma Jisreyel-lâ avok Ahap.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

2 Amuleina 3:15

Wani mi de kua ala: Ki tchetchemba, agi yanï sama bu adingâ. Ata yima sama bu adingâ mi nde bu adingîna, ad’enga hi Ma didinid’a ti mba yam Elise.

Isai 8:11

Kid’a Ma didina mi van kabom mi dan ala: Ar ang tit kur lovota hi sum ndazinid’a d’uo d’a, mi dan kua ala: Ang dazi ala:

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Ezekiyel 1:3

Ata yi máma Ma didina mi de zlad’a mi an Ezekiyel ma ngat buzuna Buzi goroma yam ambasa hi suma Babilon-nid’a avun alum ma Kebar-râ. Ni kua ba, Ma didina mi tin abom kanu.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Ezekiyel 37:1

Ma didina mi tin abom kanu, Muzuk mama mi van mi i ki sed’en kur hor ra asok suma nga oîd’a kuad’a.

Ezekiyel 40:1

Kur biza d’a dok mbà yam vahla bugol la a yomi magombid’a, kur bur ma dogona hi til ma avo’îna, Ma didina mi tin abom kanu. Ni kur biza d’a dogo yam fid’id’a bugol b’lak ka a b’lak Jerusalem mbeid’a.

Ezekiyel 43:5

Muzu’â hAlonina mi hlan akulo, mi in hur atrang nga krovod’a. An we subura hAlonid’a b’o mata ti oî gong mam mba kud’ora.

Ezekiyel 8:1

Kur biza d’a karagayad’a bugol la a yomi magombid’a, kur bur ma vahlâ hi til ma karagayana, ata yima an nga kaka kä hur aziyana, suma nglo suma Juda-na a nga kaka kä avoron mi. Salad’a Ma didina mi tin abom kanu.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Jean 4:1

Suma Fariziyêna a hum ala Jesus nga mi fe suma hata ngola kal suma hi Jean-na, nga mi lazi batemba mi.

Jean 4:3

Kid’a Jesus mi wäd’u zla ndatid’a, mi ar Jude, mi hulong avo Galile.

Jean 4:9

Atcha d’a Samari ndata ti dum ala: Ang ma Juif-fâ, ni nana ba, ang tchenen an atcha d’a Samari-d’a mbiyo ma tched’a ge? Kayam Juif-fâ a nga zlap ki suma Samari-na d’i.

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

Vama ndum mbeina 10:10

An ve mbaktum mba gor ndata abomu, an mud’ud’u. Ti mbut avunan adjib’eta d’igi ayuma na, wani ata yima an ligitna, ti mbut aglara kurunu.