Ezekiyel 28:5 - Bible azumeina

⁵ Yam we mang nga kal heîd’a ki mbut abo mangâ, ang tok ndjondjoîd’a ngola; yam ndjondjoî manga, ang hle yang akulo.

Ezekiyel 28:5 ပူးပေါင်းရင်းမြစ်များ

2 Amuleina 14:10

Jowas mi dum kua ala: Kayam ang kus yam suma Edom-ma, ang nga hle yang akulo, ang nga subur ki tang wana. Kayam ndata, ar ang kak avo hatangû! Ni kayam me ba, ang hal ayîna á mba ki ndaka kang á tchang zlapa ki suma Juda-na ge?

2 Sunda Hamuleinid’a 25:19

Jowas mi dum kua ala: Ang djib’er kurung ala ang kus yam suma Edom-ma da’! Ni kayam ndata ba, ang nga hle yang akulo, ang nga subur ki tang wana. Ar ang kak avo hatangû! Ni kayam me ba, ang nga hal ayîna á mba ki ndaka kang á tchang zlapa ki suma Juda-na ge?

Sawal la giled’a 52:7

Alona mba mi b’lagang ngei ki irang fafat, mba mi diging ngei kur aziyangû, mba mi pad’ang ngei aduk suma yam andagad’ina mi. Tchol ndjö

Sawal la giled’a 62:10

Gagazi, suma pet a ni d’igi simet ma sana fom ki vunama na, suma pet ni suma ka zlad’a. Le a hlazi pet ni ki kilona ni, azi nafefeta kal simet ma sana fom ki vunama.

Sawal la giled’a 62:11

Agi tinigi hurugi yam ahle suma a b’ad’azi kad’engina d’i, agi tinigi hurugi yam ahle suma hurumba d’uo mi. Le ahle magina a zul heî pî, agi tinigi hurugi kazi d’i.

Zla d’a d’ogolâ 11:28

Sama deng tam yam ndjondjoî mambina, mba mi puk kä, wani suma d’ingêrâ a mba d’uf d’igi aguna mi d’uf na.

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Isai 23:8

Ni nge ba, mi nga hurum á b’lak Tir ra ti b’rau amula mi suma, d’a suma mbut abozi suma kurutna a namuleina hi suma nglonina, d’a mat suma mbut abozina ni suma suma yam andagad’ina pet a nga hazi ngolina ge?

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Jeremi 49:4

Ndak Raba gor wei d’a bei hum vuna ba d’a, Ni kayam me ba, ndak subur tak yam hor mak ka wul ahlena heîd’a ge? Ndak tin huruk yam ndjondjoî maka, ndak nga dala: Ni nge ba, mba mi mba atan á durâ ge?

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 28:17

Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Zakari 9:3

Suma Tir-râ a min azì ma ad’eng ma ngunguna, a tok bege d’a hapa ndak d’igi andaga d’a gugud’upa na, a mol lora ndak d’igi lubu ma kä hur glovotina na mi.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Gat ta a hat á mbàd’id’a 8:17

Agi gologi tagi djiviya! Ar agi dagi kurugi ala nad’eng magid’a ki sib’ik magid’a ba, ti fahle suma ndjondjoî ndazina d’i.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.