Ezekiyel 28:2 - Bible azumeina

² Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Ezekiyel 28:2 ပူးပေါင်းရင်းမြစ်များ

Ad’u Tinda 3:5

Wani Alona mi wala bur ma agi tuma, iragi mba d’i mal leyo, agi mba mbud’ugi d’igi mam tamba na á we djivid’a ki tchod’a.

2 Sunda Hamuleinid’a 26:16

Wani ata yima ad’um b’al kä ad’enga ngingi na, mi nde hle yam akulo, gak ti im kur bad’a. Mi le tchod’a avok Ma didina Alo mama, kayam mi kal kur gong nga kud’ora hi Ma didinid’a á ngal dubang ma his djivid’ina yam yima ngal dubang ma his djivid’ina.

Sawal la giled’a 9:20

Ma didina, ang tchol akulo, ar sana mi kus ayîna d’i, ar andjaf suma bei wangâ sariya manga ti vaziya.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Isai 23:8

Ni nge ba, mi nga hurum á b’lak Tir ra ti b’rau amula mi suma, d’a suma mbut abozi suma kurutna a namuleina hi suma nglonina, d’a mat suma mbut abozina ni suma suma yam andagad’ina pet a nga hazi ngolina ge?

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 47:8

Ndak ka djifâ heîd’a, ndak ka nga kaka halasa, ndak ka nga de kuruk ala: Sama d’igi an na na nga d’uo an mba ni ar modonod’a d’uo grona a mba dap pei d’uo mi d’a, ndak huma!

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 26:17

A mba ge horâ kang ala: Ni me ba, ang b’lak kei hina ge? Ang azì ma suma djang kur alum ma ngolîna a nga kaka kurungâ, ang azì ma ngol ma simiyêng nde yina ma nga kad’enga yam alum ma ngolîna, ang ma suma a nga kaka kurung suma a nguyuzina a nga le mandarâ abozina.

Ezekiyel 28:1

Ma didina mi dan ala:

Ezekiyel 28:17

Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 29:9

Ambas sa Ezipte-d’a mba d’i ar djona, mba d’i b’lak keyo. Suma a mba wala an ni Ma didina. Kayam ang dala: Alum ma Nil-lâ ni mana, ni an ba ni lumu,

Ezekiyel 31:10

Ni kayam ndata ba, Ma didina mi dala: Mi wul fiyaka gak yam mbi do d’ugula, mi hle yam akulo yam fiyak mamba.

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 11:37

Mba mi djib’er yam alo ma abuyom ngolo a kud’uroma d’oze ma aropma a le kama d’i, mba mi hle yam akulo, mba mi gol tam ala mam kalazi pet, mba mi ge yam kä avok alo tu d’i.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Zakari 9:2

Ti mba yam suma kur Hamat ta hagad’a ki Damas-sina. Suma Tir-râ ki suma Sidon sumala a ni suma ned’a heyû na pî, ti mba kazi mi.

Wana ni Zla d’a Djivi d’a Luc mi b’irita 14:9

Sama yagi dja’â mba mi mba, mi dang ala: Ang he zlam mba wanda mi sama wana. Kayam ndata, ang mba kak yam zlam mba bugola ki zulona.

Gat ta a hat á mbàd’id’a 8:14

agi gologi tagi djiviya, ar agi maragi yam Ma didina Alo magi ma buzugugï woi kur ambas sa Ezipte-d’a kur yima a lagi magomba kuana d’i.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

1 Timote 3:6

Ni ma mbut hurum awilina d’i, dam mba mi hle yam akulo, mi nde kur sariyad’a a kat yam Diable-d’a.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Vama ndum mbeina 17:3

Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.