Ezekiyel 28:13 - Bible azumeina

¹³ Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Ezekiyel 28:13 ပူးပေါင်းရင်းမြစ်များ

Ezekiyel 28:15

Angî sama iratna kur tit manga, kur bur ma a langâ dei gak bur ma tchod’a ti nde tat tei atangâ.

Ezekiyel 27:16

Suma Siri-na a nga mbut abozi ki sed’eng kahle suma ablau suma a nga kurungâ, a nga mba kahina d’a guzut kal tegles sa a yat ala Eskarbukled’a ki baru d’a hleu d’a sisila, ki d’a d’udjod’a ndundub’uka, ki d’a luluîd’a kahina korela kahina d’a a yat ala rubid’a mi.

Ad’u Tinda 2:8

Bugola, Ma didina Alona mi tin asinena kur Eden abo ma yorogona, mi tin sama mi luma kuru.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Ezekiyel 36:35

A mba dala: Ambas sa ar djonid’a ti mbut wa d’igi asine ma Eden-na na, azì ma nglo ma b’lak kei ma a tom kä woi mi ar djonina, mi mbut wa azì ma ad’eng ma ngunguna, suma a kak wa kua mi.

Isai 30:32

Ma didina mba mi tozi ki totogo d’a lara ge d’a mi ngazizi kazid’a. Ata yi máma suma a mba hum tchina hi daliyâd’ina kadingâ, mba mi dur ki sed’ezi kabom ma zid’a woi zina mi.

Isai 23:16

Ndak gaulang nga a mar kaka, ndak hlading ma’â, ndak ngui azì ma ngolâ, ndak bu adingâ djiviya, ndak hle sawala kam kua kam kua tala a djib’er kagu d’a.

Isai 14:11

Subur ta manga ti nde kä azulei zlapa ki tchina hading mangîna; yang ma burâ ni yam ndjuvulâ, ndjuvulâ mi mbut ni borogo ma zlup kangâ mi!

Vama ndum mbeina 17:4

Atcha ndata ti tchuk baru d’a hleu d’a kekenga atad’u, hed’eu ma lora mi nga tchuka kelet kahina d’a guzut kal teglesa ki hed’eu ma ngal wiwili’â mi. Angal la lora ti nga abod’u, ti nga oîd’a kahle suma tcho suma ndjendjed’a hi mizeu matnina.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Ezekiyel 27:22

Suma mbut abozi suma Saba-na ki suma Rama-na a nga mbut abozi ki sed’engû. A nga mba kandjaf mbul ma his ma afufuî ma kal teglesâ, andjaf ahina d’a guzut kal teglesa ki lora mi.

Ezekiyel 26:13

An mba ni d’el sawal la ablau d’a a hlat kur aziyagid’a, a mba hum del ading magina tchina avo hatagi d’uo d’a.

Ezekiyel 21:30

Wani ang amul ma Israel ma tcho ma mbut ira, burâ nga mi mba, ni bur ma sun mang nga tchod’a dap kuana.

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Joel 2:3

Akud’a nga d’i ngal avoroziya, sin akud’a nga d’i trâ blogozi mi. Andagad’a tavorozi ni d’igi asine ma Eden-na na, ti mbut blogozi ni d’igi hur ful ma d’ad’auna na mi.

Isai 24:8

Suma a bu daliyâd’a ki furîd’ina a arat wa bei bud’a, suma a lü ki vuna kazi gandjauna a ar wa bei luna, suma a nga bu adingâ ki furîd’ina a aram wa bei bud’a mi.

Ezekiyel 28:14

Adjeu angî tcherebê ma ngom yina ma gigingâm nga b’era woina. An tiningî anu. Ang nga akulo yam ahina man nda an tinit irat vata, ang ngui tita aduk ahina d’a akud’a.

Wana ni mbaktumba hi Job-pa 28:19

Ahina topas sa guzut kal tegles sa Etiyopi-d’a pî, ti ndak nga ki sed’et ti, lor ra bei zozota ba d’a pî, ti ndjak nga ki sed’et tuo mi.