Ezekiyel 28:12 - Bible azumeina

¹² Ang gor sana, ang tchi horâ yam amul ma Tir-râ, ang dum ala: Salad’a Ma didina mi dala: Angî vama taka yam ndak ka memeta ki ne mang nga kal heîd’a, sama djif d’igi ang na na nga d’uo mi.

Ezekiyel 28:12 ပူးပေါင်းရင်းမြစ်များ

Ad’u Tinda 3:5

Wani Alona mi wala bur ma agi tuma, iragi mba d’i mal leyo, agi mba mbud’ugi d’igi mam tamba na á we djivid’a ki tchod’a.

2 Sunda Hamuleinid’a 35:25

Ma djok vun Alona Jeremi, mi tchi horâ Josiyas. Andjof suma hle sawala karop suma hle sawala a nga de zla Josiyas kur hor mazi ma tchina gak ini mi. Sawal ndata ti mbut ni gata aduk Israel-lâ, a b’irit nga kä kur Mbaktum mba horâ.

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Isai 10:13

Kayam mi dala: Ni kad’eng man nda abonda ba, an le kahle ndazina! An lazi ni ki ne manda, kayam an ni ma wahlena heîna. An b’lak ir hagad’a handjaf sumid’a woyo, an hurum ahle mazi suma ndjondjoîna mi. An zut amuleina kä woi yam zlumiyô mazi suma amula d’igi sama ad’engâ na mi.

Isai 14:4

Ata yi máma agi mba hlagi sawal la lasa mamul ma Babilon-na ala: Ni me na ge? Ma djop vun suma mi nga d’uo d’ä? Ma le suma kad’engina mi nga d’uo mï?

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Ezekiyel 19:1

Ma didina mi dan ala: Ang hle sawal la yor ta d’a wanda yam nglo suma Israel-lâ.

Ezekiyel 19:14

Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

Ezekiyel 26:17

A mba ge horâ kang ala: Ni me ba, ang b’lak kei hina ge? Ang azì ma suma djang kur alum ma ngolîna a nga kaka kurungâ, ang azì ma ngol ma simiyêng nde yina ma nga kad’enga yam alum ma ngolîna, ang ma suma a nga kaka kurung suma a nguyuzina a nga le mandarâ abozina.

Ezekiyel 27:32

Kur ndak mazid’a a mba yor tazi kangû, a mba tchi kang ala: Ni nge mi hle tam d’igi Tir azì ma ngol ma mi b’lak kei kur alum ma ngolâ wana na ge?

Ezekiyel 28:11

Ma didina mi hulong dan kua ala:

Ezekiyel 28:15

Angî sama iratna kur tit manga, kur bur ma a langâ dei gak bur ma tchod’a ti nde tat tei atangâ.

Ezekiyel 32:16

Salad’a Ma didina mi dala: Wana ni hor ma tchi ma gro aropma handjaf suma a mba tchim yam Ezipte-na kablau mazid’a petna.

Ezekiyel 32:2

Ang gor sana, ang tchi horâ yam Faron amul ma Ezipte-na, ang dum ala: Ang hle tangî d’igi gor azlona na aduk andjaf suma, angî d’igi hurum ma nga kä kur alum ma ngolîna na. Ang nga djang kä kur alum mangâ, ang nga mbut mbina dodopa kasengû, ang nga sulul abil mama akulo.

Ezekiyel 43:10

Ang gor sana, ang vad’ud’a yam ngad’a hi gong mandid’a mi Israel-lâ. Ar zulona mi vazi yam tcho mazi d’a led’a pet, ar azi min tazi á gol ngad’a hi gong mandid’a djivi mi.

Zakari 9:2

Ti mba yam suma kur Hamat ta hagad’a ki Damas-sina. Suma Tir-râ ki suma Sidon sumala a ni suma ned’a heyû na pî, ti mba kazi mi.

Wana ni Zla d’a Djivi d’a Luc mi b’irita 2:40

Gor máma nga mi wula, nga mi sira, mi mbut sama ned’a heîna, sumad’a hAlonid’a nga ki sed’em mi.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

Romê-na 15:28

Fata an dap wa sun ndata, an hazi wa he d’a hawa ndata pet mi ni, an mba ni hleza kagiya, tua ba an kal ni i Espaî.

1 Korente-na 3:19

Kayam ned’a kur duniyad’a ka hid’a ni lilid’a ir Alona. D’igi mbaktumba hAlonid’a ti de na ala: Alona mi vik suma ned’a ki lem mazid’a.

2 Korente-na 1:22

Mi kei geuna ki simiyêmu, mi hei Muzuk mama kuri d’igi vama gap ma djivi ma mam nga mi ngomom keina na mi.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.