Ezekiyel 27:28 - Bible azumeina

²⁸ Abo tchina hi suma djang batod’ina, suma avun gongôd’id’ina a mba zlak abo mandarâ.

Ezekiyel 27:28 ပူးပေါင်းရင်းမြစ်များ

Buzuk ka Abud’a 15:14

Andjaf suma dingâ a huma, a nga zlaga; mandarâ mi ve suma Filistê-na mi.

Jeremi 50:46

Andagad’a ti giget abo siwel la a siwelet á hle Babilon-nda, wulula ti ndezi woi aduk andjaf suma mi.

Ezekiyel 26:10

Ablaud’a hakulumei mamid’a mba d’i kulubugi kä ki gugumaziya. Gulumun magina mba mi giget abo siwela hi suma djang akulumei mama, abo pusâ ki pus ma dur ayîna ata yima mam mba mi kal avun agrek magina d’igi sana mi kal kur azì ma ngol ma a hluma na na.

Ezekiyel 27:27

Ndjondjoî manga, fe manga, ahle mang suma mbut abongâ, mang suma a le sunda kur batod’ina, mang suma a djang batod’ina, mang suma a nga dup ir batod’ina, mang suma a mbut abozi ki sed’engâ, mang suma a dur ayî suma a nga kurungâ, ki suma ablau suma a nga kurungâ pet, a mba tchuk kä kur alum ma nglona d’ad’ar, kur bur ma ang hlup kä na.

Ezekiyel 27:35

Suma a nga kaka kur tilina pet a mbut hohoud’a kangû, amulei mazina a mbut mandarâ, a mbut batuwak mi.

Ezekiyel 31:16

Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Ezekiyel 45:2

A mba ka yina kur andaga ndata yam gong nga kud’ora hAlonid’a fiyagam ki bubuwam nabo tam tu. Fiyagamî metred’a kikis mbà yam dok vahl, bubuwamî metred’a kikis mbà yam dok vahl mi. A mba ar yina huyogom kä ndak metred’a dok mbà yam vahl ngui woi d’uhl mi.

Nahum 2:3

Kayam Ma didina nga mi hulong subura mi suma hi Jakob-ma d’igi subura hi Israel-lîd’a na, kayam suma hurumba a hurumuzi wa ahle mazina, a kazi abo guguzlu mazid’a woi mi.

Vama ndum mbeina 18:17

Ni ler ra tud’a go ba, ndjondjoî manga ti b’lak kei wana. Suliyo batod’a pet ki suma i akoid’a ki sed’etna pet ki suma djangâtna ki suma a nga le sunda kur alum ma ngolîna ki suma a nga gus ahligiyezi woi kuruma pet a mba tchol sä woi hina dei,