Ezekiyel 27:17 - Bible azumeina

¹⁷ Suma Juda-na ki Israel-lâ a nga mbut abozi ki sed’eng mi. A nga mbang kawu ma Minit-na ki dubangâ kayuma ki mbulâ ki mbul ma his ma afufuîna á mbud’uzi kahligiyengû.

Ezekiyel 27:17 ပူးပေါင်းရင်းမြစ်များ

Ad’u Tinda 43:11

Abuzi Israel mi dazi ala: Le ni hina ni, agi lagi ni hina: Agi yogi vud’ahle suma djivi suma yam andaga meid’ina abogi kur bud’omei magina, mbul ma his ma afufuîna nde, ayuma nde, dubang agu bauma kagu mirâ nde, vud’agu pistasâ ki vud’agu amandena mi, agi hagizi mi sa máma he d’a hawad’a.

1 Amuleina 5:9

Azungeî mana a mba yongza agu ma fiyak ma Liban-na, a mba tchugum avun alum ma ngolâ, a mba djinim ata tam á djangâm yam aluma gak a mbamza ata yima ang mba tagandjina. Ata yi máma azungeî mana a mba bud’um mbeyo; azungeî mangâ a mbeï yomu. Yam zla d’a wuraka, ang mba han te ma an minima yam suma avo hatana.

2 Sunda Hamuleinid’a 2:10

An lut nga afut gemena tonna 6000, afut awu orsâ tonna 6000, süm guguzlud’a lidirâ 800.000, mbulâ lidirâ 800.000 yam azungeî mang suma ka aguna.

Esdras 3:7

A he bege d’a hapa mi suma tchet ahinad’a ki suma tchet aguna. A hahle suma tena, ahle suma tched’a ki mbulâ mi suma Sidon-na ki suma Tir-râ, kayam a djagï agu sedre ma Liban-na woi kur alum ma ngolâ gak a mbam Jafa d’igi Sirus amul ma Perse-na mi heï vuna na.

Jeremi 8:22

Na ni kuma ma mbilâ mi nga Galät tuo zu? D’oze dokdorâ mi nga kua d’uo mi zu? Ni kayam me ba, mbilâ hi sum manina nga mi tchil luo ge?

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.

Gat ta a hat á mbàd’id’a 32:14

A te mbul ambir amuhla kambir aho’â zlapa ki mbul tumiyôna ki mbul gamlâ ma Basan-na ki ma hi mbekmberinina. A tawu ma djivi ma kalâ, a tche süm guguzlu d’a gurud’unga.

Gat ta a hat á mbàd’id’a 8:8

Nambas sa wul gemena, awu orsâ, guguzlud’a, tuluma kagu grenatna. Nambas sa mbul olifâ ki mbul ayuma a nga kuad’a.

Suma ka sariyad’a 11:33

Mi duruzi tinï ad’ud’a Arower dei gak mi mba abo ma Minit-na. Mi hlazì ma nglona dok mbà gak mi mba Abel-Keramim, mi kus suma Amon-na; a hulong yazi kä ad’u Israel-lâ.