Ezekiyel 26:17 - Bible azumeina

¹⁷ A mba ge horâ kang ala: Ni me ba, ang b’lak kei hina ge? Ang azì ma suma djang kur alum ma ngolîna a nga kaka kurungâ, ang azì ma ngol ma simiyêng nde yina ma nga kad’enga yam alum ma ngolîna, ang ma suma a nga kaka kurung suma a nguyuzina a nga le mandarâ abozina.

Ezekiyel 26:17 ပူးပေါင်းရင်းမြစ်များ

2 Samuel 1:19

Israel-lâ, mang ma gangrang ma durâ, mi puk kä yam yima ndingâ. Ni nana ba, mang suma gangrangâ a puk kä ge?

Isai 14:12

Ang avevel ma fo yina, ni nana ba, a gangî kä woi ge? Ang ma kus yam andjaf sumina, a gangî kä woi andaga!

Isai 23:4

Agi suma Sidon suma kur azì ma ad’eng ma ngungu ma avun alum ma ngolîna, ar zulona mi lagiya, kayam alum ma ngolâ mi dala: Ndak ka vut tan nga d’i, an vut nga gor ri, an wul nga gro andjof foze gro arop puo mi.

Isai 23:8

Ni nge ba, mi nga hurum á b’lak Tir ra ti b’rau amula mi suma, d’a suma mbut abozi suma kurutna a namuleina hi suma nglonina, d’a mat suma mbut abozina ni suma suma yam andagad’ina pet a nga hazi ngolina ge?

Jeremi 48:39

Azì ma Mowap-ma a b’lagam wa woyo! Agi tchagi wulula! Suma Mowap-ma a mbut wa huyogozi abo zulona! Azì ma Mowap-ma mi mbut wa vama sanda, vama mandarâ ir suma a nguyuma pet.

Jeremi 50:23

Ni me mama na ge? Babilon ni marto d’a ti to suma yam andagad’ina woid’a. Gola! Ti to wa woi kikizek, ti mbut wa djona aduk suma. Na ni gagazi zu?

Jeremi 6:26

Ma didina mi dala: Ndak gor weid’a hi sum manid’a, ndak tchuk baru d’a dodora atagu, ndak bulul kä aduk butna, ndak tchi horâ d’igi atchad’a ti tchi hora gorot ma abot tuna na, ndak tchi tchi ma hat hurâ, kayam ma b’lak yina nga mi mba kak dumuzi.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Jeremi 9:20

Agi aropma, agi humugi zlad’a hi Ma didinid’a, agi tinigi humagi yam zla d’a ti ndavunamba. Agi had’agi grogi suma aropma hor ma ged’a, agi had’agi tagi hor ma ged’a mi!

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Ezekiyel 19:1

Ma didina mi dan ala: Ang hle sawal la yor ta d’a wanda yam nglo suma Israel-lâ.

Ezekiyel 19:14

Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

Ezekiyel 32:16

Salad’a Ma didina mi dala: Wana ni hor ma tchi ma gro aropma handjaf suma a mba tchim yam Ezipte-na kablau mazid’a petna.

Ezekiyel 32:2

Ang gor sana, ang tchi horâ yam Faron amul ma Ezipte-na, ang dum ala: Ang hle tangî d’igi gor azlona na aduk andjaf suma, angî d’igi hurum ma nga kä kur alum ma ngolîna na. Ang nga djang kä kur alum mangâ, ang nga mbut mbina dodopa kasengû, ang nga sulul abil mama akulo.

Ezekiyel 32:23

Asu mazid’a ti nga kä ad’u zul la yiyika hi suma matnid’a gen nda hamulîd’a. Azi pet ni suma a tchazi avun ayînina, azi ni suma a mbut suma a nga kaka ki irazi yam andagad’ina mandarâ adjeuna.

Ezekiyel 32:27

A tozozi nga ki azigar suma gangrang suma avok suma a mbut suma a nga kaka ki irazi yam andagad’a mandarâ adjeuna d’i. Sum ndazina ni suma a i kä azulei kahle mazi suma dur ayîna atazina, mbigeu mazi d’a fiyaka ti nga kä ad’u yaziya, mboriyo mazina a nga tchuka didigazi mi.

Joel 1:18

Ahle suma abageina a nga zam tazi ngola, d’uwar ma nglona nga mi tcha tata kayam yima te hatna mi nga d’i, d’uwar ma gureina pî nga mi fe ndaka mi.

Abdiyas 1:5

Le suma kula d’oze suma hurum ahlena a mba avo hatagi andjege ni, gagazi, a mba b’lagagiya, a mba kulï ahle suma huruzi minizina d’uo zu? Le suma dut guguzlud’a a mba avo hatagiya ni, a mba arî guguzlud’a blangâtna akulo hol luo zu?

Mise 2:4

Kur bur máma a mba tinigi ndala, a mba lazagi ala: Ei b’lagei wa woi ki irei fafat, Ma didina mi he wa andaga meid’a mi suma dingâ, mi he wa asine meina mi suma bei hum vuna mi. Ni kayam me ba, a hurumi ge?

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Josue 19:29

Ti yoï hagad’a abo ma Rama-na, ti kal gak ti mbaza avun azì ma ngol ma ad’eng ma Tir-râ, ti kal ti i Hosa, ti i dabï avun alum ma ngol ma Mediterane-na hur ful la Aksip-pa.