Ezekiyel 26:16 - Bible azumeina

¹⁶ Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Ezekiyel 26:16 ပူးပေါင်းရင်းမြစ်များ

Wana ni mbaktumba hi Job-pa 8:22

Suma a noyôngâ a mba mbut zulona, zlub’ud’a hi suma asa’atnid’a mba d’i b’lak kei mi.

Sawal la giled’a 109:18

Ar mi tchuk vun ma ged’a atam d’igi mi tchuk baru mamba atam na! Ar vun ma ged’a mi djang kam kä d’igi mbina mi djang kurum na, d’igi mbulâ mi tit aduk asogom na mi!

Sawal la giled’a 109:29

Ar suma a tchugun zlad’a kana a mang ngeyo, ar a zlup zulo mazina atazi d’igi sana mi tchuk baruna atam na.

Sawal la giled’a 132:18

An mba ni tchuk zulona ata mam suma djangûna d’igi a tchuk baruna atazi na, avaval la kamba mba d’i wile mi.

Sawal la giled’a 35:26

Ar suma a nga le furîd’a yam ndak mandina a mbut zulona seseleu; ar suma a tchol djangûna ki sed’ena a mbut ndjendjed’a, zulona mi lazi mi.

Buzuk ka Abud’a 15:15

Amulei suma Edom-ma, mandarâ mi vazi ngola; suma gangrang suma dur ayî suma Mowap-ma a nga zlaga. Suma Kanan-na pet a tchuk susub’ok.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Isai 41:5

Suma a nga kaka yam tilina, a nga le mandarâ; suma sä kaka avun dabid’a handagad’ina a nga zlaga, a nga hud’ïya, a nga djïya.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Isai 52:2

Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Jeremi 48:39

Azì ma Mowap-ma a b’lagam wa woyo! Agi tchagi wulula! Suma Mowap-ma a mbut wa huyogozi abo zulona! Azì ma Mowap-ma mi mbut wa vama sanda, vama mandarâ ir suma a nguyuma pet.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Ezekiyel 16:10

An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu.

Ezekiyel 26:21

An mba ni mbud’ungî vama mandarâ, ang mba mbut ni va d’i. A mba halangû, a mba fang nguo d’a. Ni an Salad’a Ma didina ba, ni de na.

Ezekiyel 28:17

Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 31:15

Salad’a Ma didina mi dala: Kur bur ma mi i kä azuleina, an zut ahlena á tchi horâ kamu, an duk ir mbiyo ma zul ma yiyi’â kamu, an d’el alum mama, an d’el mbiyo ma nglona bei djangâ, an mbut Liban nduvunda kamu, agu ma abageina pet mi so woi kam mi.

Ezekiyel 32:10

An mba ni tinizi á zlak kangû. Fata an hle mbigeu man nda fiyaka akulo avorozid’a, amulei mazina mandarâ mba mi lazi kangû. Fata an ni gang kä d’a, nge nge pî adigazi mba mi zlak abo mandarâ yam ari mamba ata yima lara ge pet.

Ezekiyel 7:27

Amulâ mba mi yor tamu, gorom ma mba mi tamula blangâma tam mba d’i tchuk susub’ok, suma yam ambasina pet a mba zlak abo mandarâ. An mba ni le ki sed’ezi d’igi azi nga tit na, an mba ni ka sariyad’a kazi ndak yam sun mazid’a. Hina wani, azi mba wala an ni Ma didina.

Ezekiyel 7:8

Wani ki tchetchemba, an nga ni mba kayî mana atogo zak, gak ni ndak vun ayî mana á ngobogiya. An mba ni kagi sariyad’a kagi yam tit magid’a, an mba ni wuragagi yam sun magi d’a ndjendje d’a lara ge pet mi.

Daniel 5:6

mi le mandarâ ngola, vunadigam mbi pat fek, guguvam nga mi zlak kikibi mi.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Jonas 3:6

Kid’a amul ma Ninif-fâ mi hum zla ndatid’a, mi tchol lei yam zlam mam mba amula, mi fok baru mam mba amula woyo, mi tchuk baru d’a dodora atamu, mi kak kä aduk butna.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.