Ezekiyel 25:4 - Bible azumeina

⁴ Ni kayam zla ndata ba, an nga ni hagi woi abo suma abo ma yorogonina. Azi mba ge kangâ mazina kur ambas magid’a, azi mba min yi mazi ma kaka adigagiya. Ni azi ba, a mba te vud’agu magina, a mba tche ambir magid’a mi.

Ezekiyel 25:4 ပူးပေါင်းရင်းမြစ်များ

Ad’u Tinda 29:1

Jakob mi tchol mi i iram abo ma yorogona.

2 Samuel 12:26

Jowap mi nde dur azì ma Raba ma Amon-na, mi hlazì ma ngol ma amula.

1 Amuleina 4:30

Salomon ne mamba ti kal ned’a hi suma Mesopotami-na ki d’a hi suma Ezipte-nid’a pet mi.

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 65:22

Azi mba min azina, sama ding mba mi kak kua d’i; a mba paguna, sama ding mba mi tum vud’um mbuo mi. Kayam sum mana a mba te tatâ d’igi aguna mi te tatâ na, suma an manazina a mba le furîd’a yam sun nda a mba lat kabozid’a mi.

Hor ma tchina 1:14

Mi djinin tcho manda kelen d’igi dju’â na, ti mol yam tat gak ti mba kelen mbeî, mi daban ad’engên ndeyo. Salad’a mi han abo suma an ndak á tchol avorozi d’uo na.

Ezekiyel 25:10

An mba ni mal lovota mi suma abo ma yorogona á kus yam suma Mowap-ma d’igi a kus wa suma Amon-na tala sa mi djib’er yam suma Mowap-ma aduk suma d’uo d’angû d’a.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Ndumba 23:7

Baläm mi de zla mam mba d’ogola, mi dala: Balak mi yanï woi Aram, amul ma Mowap-ma mi tchugunï asen kä woi yam ahina d’a abo ma yorogonid’a ala: Ang mbeï gan andjafâ hi Jakob-ma vuna! Ang mbeï zal hurung yam Israel-lâ!

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.

Suma ka sariyad’a 6:33

Suma Madiyan-na pet ki suma Amale’â ki suma a nga kaka abo ma yorogonina a tok taziya, a djak alum ma Jurdê-na, a ve kang mazina kur hor ra Jisreyel-la.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

Suma ka sariyad’a 8:10

Wani Zeba azi ki Salmuna a nga Karkor ki azigar mazina go ki 15.000. Azi pet ni azigar suma a ar hi suma a nga kaka abo ma yorogonina. Suma 120.000, a tchazi woi da’.