Ezekiyel 25:12 - Bible azumeina

¹² Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya.

Ezekiyel 25:12 ပူးပေါင်းရင်းမြစ်များ

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Isai 21:11

Wana ni zla d’a a dat yam Duma-d’a: An hum dela d’i tcholï Seir, ti dan ala: Ma ndjola, va mi le andjege ni me ge? Ma ndjola, va mi le andjege ni me ge?

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Ezekiyel 25:11

An mba ni ka sariyad’a yam suma Mowap-ma. Hina wani, azi mba wala an ni Ma didina.

Ezekiyel 25:15

Salad’a Ma didina mi dala: Suma Filistê-na a hlatchugula kuruzi krovo ki gol isa, a sä atchugula bei we hohowa sa adjeu dei gak ini, a dap suma woi mi. Ni kayam ndata ba, an Salad’a Ma didina ni dala:

Ezekiyel 25:8

Salad’a Ma didina mi dala: Suma Mowap-ma ki suma Seir-râ a dala: Suma Juda-na a ni d’igi andjaf suma dinga hina pet mi.

Ezekiyel 32:29

Gola! Suma Edom-ma kamulei mazina ki mazi suma nglona a nga kua mi. Wani kad’eng mazid’a hina pet pî, a tozozi zlapa ki suma a tchazi avun ayînina, a tozozi zlapa ki suma bei ngat bayâ suma a i kä azuleina.

Ezekiyel 36:5

An Salad’a Ma didina ni dala: Gagazi, kur hur ma zal man ma gugulu’â ki yungôr mana an nga ni de zlad’a mandjaf suma dingâ ki suma Edom-ma pet suma a mbut ambas manda mazid’a ki furî mazi d’a kuruzid’a ki gol is mazid’a tala a hurumut ahligiyed’u d’a.

Abdiyas 1:1

Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.