Ezekiyel 24:13 - Bible azumeina

¹³ Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Ezekiyel 24:13 ပူးပေါင်းရင်းမြစ်များ

Isai 22:14

Ma didin ma ad’engêm kal petna mi tagan zla ndata woyo. Mi dala mam mba mi vat hurum mbei yam tcho magi ndata d’i gak mat magina! Salad’a Ma didin ma ad’engêm kal petna mi de na.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 31:18

An hum tchina hi suma Efraim-ma. Gagazi, a nga tchi ala: Ma didina, ang gad’ami ki gat ta ad’enga d’igi a gat amuhl ma azong ma bei hatina na. Wani ang vami atang tala ami hulongômi geveng gagazi d’a, kayam angî Ma didina Alo mamina.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Hor ma tchina 5:22

Na ni ang arami ni woi ki irang fafat tchu? Kur hur mang ma zala, ang noyômi ni woi ki irang fafat mi zu?

Ezekiyel 16:42

An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a.

Ezekiyel 22:24

Ang gor sana, ang de mi Israel-lâ ala: Ambas magid’a mba d’i mbut ni d’igi andaga d’a alona mi se nga kat tuo d’a na. Ti mba d’i so woi abo ayî mana d’igi andaga d’a bei mbinid’a na.

Ezekiyel 24:11

Bugola, ang tin deina aku hurum hawa yam gordjona, ar mi gakud’a, ar zozot ta kurumba ti ngal lei tala tchor ra kurumba ti yak keyo d’a.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Wana ni mbaktumba hi Oze-d’a 7:1

Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Sunda hi suma hi Levi-nid’a 13:55

Bugol bur ma kid’iziya ma a mbuzum kuana, mi golom kua. Le guvur ndata ti djok nga zla d’a ding nguo, ti i nga avogovok kuo ni, va máma mi ni ndjendjed’a; ar a ngalam mbei kakud’a, kayam nabom ma ding ma ad’u kä na tu ba, mi b’laga.

Sunda hi suma hi Levi-nid’a 14:43

Le tugud’ei ndata ti huruguk hur gonga kua, bugol la a pat ahuniyôna woi a hurogot tei a gulud’uta ni,

Sofoni 3:2

Azi hum nga yid’a hi Ma didinid’a d’i, a nga min ngop pa mi ngobozid’a d’i, a nga tin huruzi kam mbi, a nga hut gevem mam Alo mazina d’uo mi.

Sofoni 3:7

An dagi ala: Le agi landi mandaranu, le agi vagi ngop manda atagiya ni, an mba ni b’lagagi yi magi ma kaka woi d’i, an mba ni ar ngop pa an ngat kurun á ngobogi ki d’a woi pet mi. Wani agi b’ad’agi tagi á le sun nda ndjendje d’a ata yat tuo d’a.

Zakari 6:8

Malaikana mi yanu, mi dan ala: Suma a i irazi abo ma yam ambas sa abo ma norîd’a, a i tin nayî mana yam suma kur ambas sa abo ma norîd’a.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Vama ndum mbeina 22:11

Sama le tchod’a, ar mi i avok kur tcho mamba; sama le sun nda ndjendjed’a, ar mi i avok kur ndjendje mamba; sama le djivid’a, ar mi i avok kur djivi mamba; sama yed’etna, ar mi i avok kur yed’et mamba mi.