Ezekiyel 23:17 - Bible azumeina

¹⁷ Suma Babilon-na a mba geved’u, a bur ki sed’ed’u, a mbud’ut ndjendjed’a ki gaulang mazina. Ata yima a mbud’ut ndjendjed’a dana, ti wal tat tei ki sed’eziya.

Ezekiyel 23:17 ပူးပေါင်းရင်းမြစ်များ

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Ad’u Tinda 11:9

Ni kayam ndata ba, a yi yi máma ala Babel, kayam ni kua ba, Ma didina mi gizeî vuna hi suma yam andagad’ina woi pet; ni kua ba, Ma didina mi b’rau suma woi yam andagad’a pet mi.

Ad’u Tinda 38:24

Bugol til ma hindina a mba de mi Juda ala: Akunonga Tamar ti mbut wa gaulangâ. Gola! Ti ge wa wirâ ki gaulang matna. Juda mi dazi ala: Agi it abagei kel ngalat teyo.

2 Samuel 13:15

Ata yi máma Amnon mi noyôt ni noî d’a tchod’a kal ve d’a mam hurum vat avoka. Mi dat ala: Ndak tchol iya!

2 Amuleina 24:17

Wani Nebukanezar mi hle Mataniya Jojakin abum ma gorâ, mi tinim amula, mi djogom simiyêm ala Sedekiyas.

Ezekiyel 16:37

Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi.

Ezekiyel 23:22

Ndak Oholiba, ni kayam ndata ba, Salad’a Ma didina mi dala: Gola! An nga ni mba ki buniyôk suma ndak wal tak kei ki sed’ezina á durugu, an nga ni mba ki suma ata yima lara ge pet á duruk mi.

Ezekiyel 23:28

Salad’a Ma didina mi dala: Gola! An nga ni hak abo suma ndak noyôzi suma ndak wal tak kei ki sed’ezina.