Ezekiyel 22:9 - Bible azumeina

⁹ Suma tchuk zla d’a aboina yam suma á tchi sumina a nga kurungû. Suma a tahle suma a hazi mi fileina akulo yam ahuniyônina a nga kurungû, suma a nga le sun nda batrangina a nga kurung mi.

Ezekiyel 22:9 ပူးပေါင်းရင်းမြစ်များ

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Sawal la giled’a 106:28

Azi nga zlap tazi ki Bäl ma Peyor-râ, azi nga tahle suma a ngad’azi buzuna malo ma bei arid’a ba na mi.

Sawal la giled’a 50:20

Ang nga min tang á de zla d’a tchod’a yam wiyengâ, ang nga las wiyeng ma asungâ tamba.

Buzuk ka Abud’a 20:16

Ar ang le glangâs ma aboina yam ndrangâ d’i.

Buzuk ka Abud’a 23:1

Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi.

Zla d’a d’ogolâ 10:18

Sama nga mi ve sana kurum gumuna ni sama ka zlad’a, wani sama lilid’a nga mi tchuk zla d’a aboina yam ndrama aduk suma.

Zla d’a d’ogolâ 18:8

Zla d’a ndavun sama gigined’id’a, ti ni d’igi ambla d’a mbulâ na, ti kal kur sana gak ti i kur bibiriyamu.

Zla d’a d’ogolâ 26:22

Zla d’a ndavun sama gigined’id’a, ti ni d’igi ambla d’a mbulâ na, ti kal gak ti i kur bibirina.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Jeremi 9:4

Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

Ezekiyel 11:6

Agi oyôgi hur azì ma ngol ma wana ki mad’a suma, agi oyôgi ir palumba woi ki mad’a suma mi.

Ezekiyel 16:43

Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 18:11

le mi hle nga balum asem abum mbuo, le nga mi tahle suma a hazi mi fileina akulo yam ahuniyônina, le nga mi lop vun atchad’a hi ndramid’a, le nga mi b’at ahlena abo sama hohoud’a ki ma houd’a kad’enga, le nga mi kula,

Ezekiyel 18:15

le nga mi tahle suma a hazi mi fileina yam ahuniyônina d’uo, le nga mi tin iram yam fileina hi Israel-lîna d’uo, le nga mi lop vun atchad’a hi ndramid’a d’uo,

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Ezekiyel 23:29

A mba noyôk keyo, a mba yok ndjondjoî maka, a mba arak gandilad’a kezigineû, a mba gak ad’u gaulang ma’â woi ki sun mak ka tchod’a ki batrang maka woi mi.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Wana ni mbaktumba hi Oze-d’a 4:10

Azi mba te, wani azi mba hop pi, azi mba le gaulangâ, wani azi mba zul li, kayam azi noyôn an Ma didina woi á le gaulangâ.

Wana ni mbaktumba hi Oze-d’a 4:14

An mba ni mba á ngop grogi suma aropma yam gaulang mazina d’oze grogina amiyôzina yam mizeu mazina d’uo mi. Ni agi ba, an mba ni ngobogiya, kayam agi tagid’a zlabagi karop suma gaulangâ kur gong magi d’a kud’or fileina, agi nga hagi ahle suma ngat buzuna mi fileina ki sed’ezi d’igi suma bei wed’a a nga ring á i kur bad’a na.

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Wana ni mbaktumba hi Oze-d’a 6:9

Adesâ hi suma ngat buzunina nga mi tchi suma a i kud’or Alona kur lovot ta Sikem-mbina, d’igi suma tchigeta a nga bur suma kä na. Wana ni vama tcho ma ndjendje ma kalâ!

Wana ni mbaktumba hi Oze-d’a 7:4

Azi pet ni suma le mizeuna, a hle tazi ni d’igi aku d’a für ra sama lavungôna mi vata na, ata yima nga mi tib’ek afutina, nga mi zud’ut akulo d’i gak afuta ti fak tua.

Sunda hi suma hi Levi-nid’a 19:16

Ang tchuk zla d’a aboina yam sum mangâ d’i, ang tchol ki zla d’a aboina á tchi ndrangâ d’uo mi, kayam an ni Ma didina.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 26:59

Nglo suma ngat buzuna azi ki suma b’ak zlad’a ki zlazi pet a hal glangâs ma aboina yam Jesus á tchum mbeyo.

Sunda hi suma a sunuzinid’a 24:13

Azi ndak á fe vama tak abu ala zla d’a azi nga tchugut kanda ni zla d’a gagazid’a na d’i.

Sunda hi suma a sunuzinid’a 24:5

Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.

Suma ka sariyad’a 20:6

An hlaman nda gora, an pawat hliwit teyo, an sunum yam andaga d’a a hat djona mi Israel-lâ pet. Kayam azi le ni sun nda tchi matna ki sun nda tchod’a aduk Israel-lâ.

1 Samuel 24:10

David mi de mi Saul ala: Ni kayam me ba, ang ve zlad’a hi suma a nga dang ala an nga ni halang á tchid’a na ge?