Ezekiyel 22:25 - Bible azumeina

²⁵ Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Ezekiyel 22:25 ပူးပေါင်းရင်းမြစ်များ

1 Amuleina 22:23

Mise mi de kua ala: Djiviya! Ki tchetchemba, Ma didina mi tin wa zla d’a kad’a avun mang suma djok vuna pet suma a nga ka hina. Gagazi, Ma didina mi nga hurum á mbang ndaka kangû.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Jeremi 11:9

Ma didina mi dan kua ala: Ndjak vun ma tcho ma gumuna, mi nga aduk suma Juda-na ki suma avo Jerusalem-ma.

Jeremi 15:8

An zul arop suma modonod’a avo hatazi kal les ma avun alum ma ngolîna, an tin grangâ asum tchina falei d’ad’ar, an mba ki ndaka kahle suma mandarâ kat atogo zak mi.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

Jeremi 2:34

A fe buzuna hi suma hou suma zla nga kazi d’uo na ata baru magina. Ni suma agi vazi nga avun gongîyo magina á kuzuzi vunazi woi d’uo na.

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Hor ma tchina 2:14

Mak suma djok vuna, ahle suma a nde tazi woi irazina nahle suma ka zlad’a, nahle suma hawa ya’â. A nga vak ad’u tcho maka woi d’i. Ladjï a le na ni, a d’elek wa bei i magomba. Ahle suma a nde tazi irazi suma azi nga vaksi ad’uzina ni zla d’a hawa yak ka ka zlad’a.

Hor ma tchina 4:13

B’lak ndata ti mba ni yam tchod’a hi mat suma djok vuna, ki tchod’a hi mat suma ngat buzu suma a vo buzuna hi suma d’ingêrâ woina.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Ezekiyel 13:2

Ang gor sana, ang djok vuna mi suma djok vun suma Israel suma a nga djok vuna yam djib’er ra kuruzid’ina, ang dazi ala: Agi humugi zlad’a hi Ma didinid’a.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Ezekiyel 34:3

Agi tchagi tumiyô suma d’orâ, agi tagi mbuluziya, agi tchugugi tumuzuzi atagiya, agi nga pologi tumiyôna d’i.

Wana ni mbaktumba hi Oze-d’a 6:9

Adesâ hi suma ngat buzunina nga mi tchi suma a i kud’or Alona kur lovot ta Sikem-mbina, d’igi suma tchigeta a nga bur suma kä na. Wana ni vama tcho ma ndjendje ma kalâ!

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Marik 12:40

Azi tahlena harop suma modonod’a, a nga tchen Alona tchen nda fiyaka á mbut tazi djivid’a avok suma. Sum ndazina a mba kazi sariyad’a kazi ngola kala.

Wana ni Zla d’a Djivi d’a Luc mi b’irita 20:47

Azi tahlena harop suma modonod’a, a nga tchen Alona tchen nda fiyaka á mbut tazi djivid’a avok suma. Sum ndazina a mba kazi sariyad’a kazi ngola kala.

Vama ndum mbeina 13:11

Bugola, an we ambur ma dingâ mi ndeï kä aduk andagad’a kadifa mbà d’igi adifa hi gor timinid’a na, nga mi de zlad’a d’igi dragona na.

Vama ndum mbeina 13:15

Ambur ma mbà máma mi fad’enga á he muzuk ka arid’a mi vama a yorom ma ambur ma avok mámina, kayam va máma mi de zlad’a, mi ndak á tchi suma a min kud’urom mbuo na.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Vama ndum mbeina 18:13

ki kanelâ ki d’utna ki idirâ ki mir ki mbul ma his ma afufuîna ki süm guguzlud’a ki mbulâ kafuta ki gemena kamuzleina ki tumiyôna kakulumeina ki pusâ ki magumeina karid’a hi sumid’a mi.