Ezekiyel 22:14 - Bible azumeina

¹⁴ Ang mba ve hurung ad’enga d’oze ang mba ve tang ad’enga kur bur ma an mba ni kang sariyad’a kangâ zu? An Ma didina mba ni le sunda yam zla d’a an data.

Ezekiyel 22:14 ပူးပေါင်းရင်းမြစ်များ

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Isai 28:22

Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 45:9

Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Ezekiyel 17:24

Hina wani, agu ma abageina pet mba mi wala an ni Ma didina, ni an ba ni hulong yam agu ma fuyogeina kä, ni an ba ni hlagu ma gud’ongeîna yam akulo, ni an ba ni so agu ma d’ufa woyo, ni an ba ni d’uf agu ma so woina mi. An Ma didina ni de zlad’a, an mba ni le sunda kat mi.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Ezekiyel 23:34

Ndak mba d’i tchum gak dabam mbeyo, ndak mba d’i to kop máma woi ki siyagu, ndak mba d’i dap apok mbuleina kazlung mamba mi. Ni an Salad’a Ma didina ba, ni de na!

Ezekiyel 24:14

An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Ezekiyel 36:36

Andjaf suma ding suma a mba nguyugina a mba wala an ni Ma didina, ni an ba ni min vama a tom kä woina akulo, ni pe vama a b’lagam mbeina mi. An Ma didina ni de zlad’a, an mba ni le sunda kat mi.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Ezekiyel 6:10

Azi mba wala an ni Ma didina, an dazi zlad’a ni hawa d’uo, an ngobozi ki ndak ka wanda ni hawa d’uo mi.

Ezekiyel 7:17

Abozi pet mba mi mbut amangeîd’a kekeb’e, guguvazi mba mi zlak kekeb’e mi.

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Malatchi 3:2

Ni nge ba, mba mi so tam kur bur ma mba mamba ge? Ni nge ba, mba mi tchol avorom fata mba mi ndei woi d’a ge? Kayam mi hle tamî d’igi akud’a hi suma tchafid’a na, mi hle tamî d’igi sabulâ hi sama mbus barud’a hapina na mi.

Marik 13:31

Akulod’a kandagad’a a mba kal leyo, wani zla manda mba d’i kal lei d’i.

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

Hebre-na 10:31

Ni vama mandar ma ngolâ á ndabo Alo ma arina.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.