Ezekiyel 21:31 - Bible azumeina

³¹ Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Ezekiyel 21:31 ပူးပေါင်းရင်းမြစ်များ

Sawal la giled’a 18:15

Mi yet mam suma djangûna ki yeû mamba, mi b’rawazi woyo; wile mamba ti ndjoyôzi woi vivreng.

Sawal la giled’a 79:6

Ar ang zal hurung yam andjaf suma a wang nga d’uo na, yam leu d’a nga d’i yang á ndjunut tuo d’a,

Sawal la giled’a 89:40

Ang b’lak vun ma djin ma ang djinim kazong mangîna woyo, ang gum avaval mamba kä woi andaga.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 37:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

Isai 40:7

Asuna mi so ata yima simetna hi Ma didinina mi sir kama, b’o mamba ti yak kei mi. Gagazi, suma a ni d’igi asuna na.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Ezekiyel 14:19

D’oze le an sunï tugud’ei d’a tcho d’a tchi matna kur ambas ndata, le an ngobozi ki hur man ma zal ma gugulu’â á tchi suma woi ki d’uwarâ,

Ezekiyel 25:7

Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.

Ezekiyel 7:24

An nga ni mba kandjaf suma asa’at mazid’a kal suma petna á yozi aziyaziya, an mba ni dap vun subur tad’a hi suma nglonid’a woyo. Yi mazi ma a tinim iram vam tetengâ mba mi mbut ndjendjed’a mi.

Ezekiyel 7:8

Wani ki tchetchemba, an nga ni mba kayî mana atogo zak, gak ni ndak vun ayî mana á ngobogiya. An mba ni kagi sariyad’a kagi yam tit magid’a, an mba ni wuragagi yam sun magi d’a ndjendje d’a lara ge pet mi.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Wana ni mbaktumba hi Aze-d’a 1:9

Agi nga tinigi hurugi yam ahlena ngola, wani agi nga fagizi akid’eid’a; agi nga mbagi kahlena avo ngola, wani an nga ni fozi woyo. Ni kayam me ge? Ni kayamba gong manda nga b’laka kä woid’a, wani agi nge nge pî nga mi b’at tam á min aziyamu.