Ezekiyel 20:30 - Bible azumeina

³⁰ Kayam ndata, ang dazi ala: An Salad’a Ma didina nga ni dala: Agi nga mbud’ugi tagi ndjendjed’a d’igi abuyogi ngola na, agi nga lagi gaulangâ kahle mazi suma ndjendjed’a mi d’uo zu?

Ezekiyel 20:30 ပူးပေါင်းရင်းမြစ်များ

2 Sunda Hamuleinid’a 30:7

Ar agi lagi d’igi abuyogi ki b’oziyogina a le sun nda ata yat tuo d’a avok Ma didina Alona habuyozi ngolona na ba, mi mbud’uzi vama hohoud’a avok suma d’igi agi nga wagi ini ki iragi na d’i.

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Jeremi 16:12

Agi tagid’a, agi lagi tchod’a kal abuyogi ngolo. Gola! Nge nge pî adigagi nga mi tit yam djib’er mam mba yam mba ad’eng nga kurum krovo d’a bei wad’ud’a bei humun vunan ba d’a.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Jeremi 9:14

Kayam azi tit ni yam djib’er ra kuruzi krovo d’a bei wad’ud’id’a, azi tit ni bugol Bäl d’igi abuyozi a had’azi na mi.

Ezekiyel 2:3

Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.

Ezekiyel 20:26

An mbud’uzi ndjendjed’a ki he d’a hawa mazid’a ata yima azi nga ngal grozi suma avo’â woi kakud’ina, an min le ki sed’ezi hina á mbud’uzi hohoud’a á tagazi woi ala an ni Ma didina.

Ezekiyel 20:29

An dazi ala: Yima nding ma agi igi kua máma ni me ge? Kayam ndata, a nga yum ala Yima ndingâ gak ini.

Ndumba 32:14

Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua.

Matiye 23:32

Hina, agi nga ndagagi vun sun nda ar abo abuyogi ngolod’a.

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Suma ka sariyad’a 2:19

Wani kid’a ma avorozina mita, azi hulong a le tcho d’a ding nga kala habuyozi ngolod’a, a zlap kalo ma dingâ teteng, a kud’uromu, a grif kä avorom mi. A ar nga sun mazi d’a tcho ndata d’oze hur mazi ma b’ala ki so vun mazina woi d’i.