Ezekiyel 2:1 - Bible azumeina

¹ Ma didina mi dan ala: Ang gor sana, ang tchol akulo. An nga ni dang zlad’a.

Ezekiyel 2:1 ပူးပေါင်းရင်းမြစ်များ

Sawal la giled’a 8:4

Ata yima an gol akulod’ina, nala, sun nda ang lat kabonga, ata yima an gol tilâ ki tchitchiud’a suma ang tinizi sä akulonina,

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Ezekiyel 12:3

Ang gor sana, ang min ahle mang suma akoid’a kä ir suma a mba yozi magombina, ang nde woi ni irazi falei na. Ang nde woi ata yima ang nga kaka kuana á i ata yima dingâ kä woi irazi na. Dam azi mba wala azi nandjaf ma bei hum vuna kla.

Ezekiyel 13:2

Ang gor sana, ang djok vuna mi suma djok vun suma Israel suma a nga djok vuna yam djib’er ra kuruzid’ina, ang dazi ala: Agi humugi zlad’a hi Ma didinid’a.

Ezekiyel 14:13

Ang gor sana, le suma kur ambasa a le tchod’a avoronu, le a he tazi á le sun nda batranga, le an zi abon kazi akulo, le an yo te mazina woyo, le an sun baktarad’a kaziya, le an tchi suma woi ki d’uwarâ adigaziya,

Ezekiyel 14:3

Ang gor sana, sum ndazina a tin huruzi ni yam filei mazi ma nga mi zud’uzi á le tchod’ina. An mba ni arazi á djobon zlad’a zu?

Ezekiyel 15:2

Ang gor sana, na ni agu guguzlud’a zlat ti kal agu ma lara ge ma aduk agud’ina pet tchu?

Ezekiyel 16:2

Ang gor sana, ang tak Jerusalem sun mat ta ndjendjed’a.

Ezekiyel 17:2

Ang gor sana, ang tin zla d’a mudurid’a kä avok Israel-lâ, ang dazi zla d’a d’ogola.

Ezekiyel 2:3

Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Ezekiyel 2:8

Wani ang gor sana, ang hum vama an nga ni dangzina. Ar ang mbut sama bei hum vuna d’igi azi na d’i. Ang mal vunang ngeyo, ang te vama an nga ni hangzina.

Ezekiyel 20:3

Ang gor sana, ang de mi suma nglo suma Israel-lâ ala: Salad’a Ma didina mi dala: Na ni agi mba ná djobon ndju? An Ma bei matna ba na nga ni dagiya, an ni aragi agi djobon ndi. Ni an Salad’a Ma didina ba, ni de na.

Ezekiyel 3:1

Ma didina mi dan ala: Ang gor sana, ang te vama ang fuma, ang te mbaktum mba d’ut ndata, ang i de zlad’a mi Israel-lâ!

Ezekiyel 3:10

Mi dan kua ala: Ang gor sana, ang tin humang hum zla d’a an nga ni dangzid’a pet, ang vat kurungû.

Ezekiyel 3:17

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Ezekiyel 3:4

Mi dan kua ala: Ang gor sana, ang i gen Israel-lâ, ang dazi zla manda.

Ezekiyel 37:3

Mi dan ala: Ang gor sana, asok ma wana mi ndak mi hulong mi zlit akulo zu? An hulong dum ala: Salad’a Ma didina, ni ang ba wë.

Ezekiyel 4:1

Ma didina mi dan kua ala: Ang gor sana, ang hle derengel ma lubuna, ang tinim kä avorongû, ang tin angus azì ma ngol ma Jerusalem-ma atamu.

Ezekiyel 40:4

Sa máma mi dan ala: Ang gor sana, ang mal irang ki humang ngeyo, ang gol tang djivi yam ahlena pet suma an nga ni tagangzina, kayam a mbang ka hî ná gola. Bugola, ang i väd’u ahle ndazina woi pet mi Israel-lâ.

Ezekiyel 43:18

Alona mi dan ala: Ang gor sana, An Salad’a Ma didina nga ni dangû: Vun ma he ma an hangzi yam yima ngal ahle suma ngat buzunina ba wana: Fata a minim wa ni, ar suma a we lovota á he he d’a hawa d’a ngala, á yam buzuna kamba mi.

Ezekiyel 5:1

Alona mi dan ala: Ang gor sana, ang hle mbigeu d’a fiyak ka tena, ang mbud’ut d’igi vel ma tena na, ang wel yang ki dudumang ngeyo. Bugola, ang nga tumus sa ang welet tei ndata, ang walat kä woi teteng.

Ezekiyel 7:2

Ang gor sana, ang hum zla d’a an Salad’a Ma didina nga ni dat mi Israel-lîd’a. Wana ni dabid’a hahlenid’a! B’lak ka dabid’a nga d’i tcholï ata ambasa abot ma fid’ina pet.

Daniel 10:11

Bugola, sama mi tchuk baru d’a luluîd’a atama, mi dan ala: Daniel, ang ma Alona mi le kang heîna, ang hum zla d’a an nga ni dangzid’a, ang tchol akulo ata yima ang nga kuana. Ki tchetchemba, a sunun ni gevengû. Ata yima an hum zla ndatina, an tchol akulo, nga ni zlaga.

Daniel 10:19

Bugola, mi dan ala: Ang ma Alona mi le kang heîna, ar ang le mandar ri. Ar ang kak ki b’leng nga halasa, ang ve tang ad’enga, ang ve tang ad’enga. Ata yima nga mi dan zlad’ina, an hulong fad’enga. An dum ala: Ang de, kayam ang han ad’enga da’.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Matiye 17:7

Jesus mi mba, mi doziya, mi dazi ala: Agi tchologi akulo, agi lagi mandar ri.

Jean 3:13

Sama djak kur akulod’ina nga d’i, wani ni an Gor Sana ma tcholï akulona.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Sunda hi suma a sunuzinid’a 26:16

Wani ang tchol akulo. Ni kayam ndata ba, an nde tan ndei irang á mbud’ung azong mana. Ang mba le glangâsâ kan mi suma dingâ ni nana ba, ang wan ini ge, ang mba dazi yam vama an mba ni tagangzina kua mi.

Sunda hi suma a sunuzinid’a 9:6

Wani ang tchol akulo, ang i kur azì ma ngolâ. A mba dang vama ang mba luma.