Ezekiyel 19:14 - Bible azumeina

¹⁴ Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

Ezekiyel 19:14 ပူးပေါင်းရင်းမြစ်များ

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Nehemi 9:37

Nga d’i zul ahligiyet mamulei suma ang hazi ad’enga á te kamina kayam tcho mamid’a. A nga te kami ki d’uwar mamina kur min mazid’a. Ami nga kur ndak ka ngola mi.

Sawal la giled’a 110:2

Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

Sawal la giled’a 79:7

Kayam azi hurum andjafâ hi Jakob-ma, a b’lagam ambas mamba woi mi.

Jeremi 38:23

Amiyôngâ pet ki grong suma andjofâ, suma Babilon-na a mba yoziya. Ang tang mba sut abozi d’i. Amul ma Babilon-na mba mi vangû, mba mi ngal azì ma ngol ma wana woi kakud’a mi.

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Hor ma tchina 4:20

Ma ei nga ki arid’a kama, ni ma Ma didina mi manam mi tinim amulina, ni mam ba, ei nga dei kam ala ei nga ni kaka ad’u anguzumu, ei mba kagei aduk andjaf suma kamu na, gola, a vum wa ki dau mazina!

Ezekiyel 15:4

Gola! A gat naduk akud’a á ngala. Akud’a ti ngalat vunat tei zla tam djak, ti vugut adigat mi, na ni ti ndak á le sun nda ding zu?

Ezekiyel 17:10

Guguzlu ndata a pat wa kä da’, na ni mba d’i ruî avogovok su? Le simet ma abo ma yorogona mi sir kad’u ni, mba mi sot tei d’uo zu? Mba d’i so woi ata yima ti wul kuana.

Ezekiyel 19:1

Ma didina mi dan ala: Ang hle sawal la yor ta d’a wanda yam nglo suma Israel-lâ.

Ezekiyel 19:11

Abot mi nga kad’enga á ka totogo d’a tamula. Fiyagat kal agu ma dingâ pet. Suma a nga le atchap yam fiyak mat ta akulod’a, yam abot ma mi tchuk grona tetengâ mi.

Ezekiyel 26:17

A mba ge horâ kang ala: Ni me ba, ang b’lak kei hina ge? Ang azì ma suma djang kur alum ma ngolîna a nga kaka kurungâ, ang azì ma ngol ma simiyêng nde yina ma nga kad’enga yam alum ma ngolîna, ang ma suma a nga kaka kurung suma a nguyuzina a nga le mandarâ abozina.

Wana ni mbaktumba hi Oze-d’a 10:3

Ki tchetchemba, a nga dala: Ei nga kamul li, kayam ei nga lei mandara Ma didina d’i. Na ni amulâ mba mi le ni nana kei ge?

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Jean 19:15

Kayam ndata, azi de ki delezi akulo ala: Tchum mbeyo, tchum mbeyo, b’alam akulo ata aguna. Pilat mi djobozi ala: An b’alagi amul magina akulo zu? Nglo suma ngat buzuna a hulong dum ala: Ami nga kamul ma ding ngi, ni Sesar tu.

Suma ka sariyad’a 9:15

Wani aweid’a ti de maguna ala: Le agi minin-ngi ni ki hur ma tuna á tinin amula kagiya ni, agi mbeï ngeyegi ad’u anguzanu. Le d’uo ni, akud’a mba d’i tcholï ngala aduk aweid’a, mba d’i ngal agu sedre ma Liban-na woyo!