Ezekiyel 18:9 - Bible azumeina

⁹ nga mi tit yam gat manda, nga mi ngom vun man ma hed’a, nga mi le sunda yam gagazid’a mi. Sama hina na ni sama d’ingêrâ; gagazi, mba mi kak karid’a mi. An Salad’a Ma didina ni de na.

Ezekiyel 18:9 ပူးပေါင်းရင်းမြစ်များ

1 Amuleina 9:4

Wani le ang nga tit avoron ki hurung tu d’ingêr d’igi abung David na, le ang nga lahlena pet suma an hang vuna kazina, le ang nga ge yang kä ad’u gat man nda tetenga ni,

Zla d’a d’ogolâ 12:28

Tit ta d’ingêra ni lovot ta ing kur arid’id’a, wani tit ta batranga ni lovot ta ing kur matnid’a mi.

Ezekiyel 11:12

Agi mba wagi ala an ni Ma didina, kayamba agi tid’igi nga yam gat manda d’oze agi tid’igi nga yam vun man ma hed’a d’uo d’a. Wani agi tid’igi ni yam gata handjaf suma a nguyuginid’a.

Ezekiyel 18:10

Le sa máma mi vut gor ma murud’umba, ma tchi matna, d’oze ma mi landjaf tcho d’a hina d’a ni,

Ezekiyel 18:17

le nga mi le sama hohoud’a tcho d’uo, le nga mi he va mi sa ki mbina d’uo, le nga mi hal mbina abo sa d’uo, le nga mi ngom vun man ma hed’a, le nga mi tit yam gat manda mi ni, sama hina na nga mi mit yam tchod’a habumba d’i. Gagazi, mba mi kak karid’a.

Ezekiyel 18:19

Wani agi nga dagi ala: Ni kayam me ba, gorâ mi zi tchod’a habumba d’uo ge? Wani gorâ mi tit ni yam d’ingêra ki gagazid’a, mi ngomî gat manda, mi tit kat pet. Gagazi, mba mi kak karid’a.

Ezekiyel 20:11

An hazi gat manda, an tagazi vun man ma hed’a. Nahle sumala mbeî sana le mi le sunda kaziya ba, mi kak karid’a na.

Ezekiyel 20:13

Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.

Ezekiyel 33:15

Le sama asa’atna mi hulong vama mam ndum abo sanina woyo, mi wurak yam vama mam kuluma, mi tit yam gat ta he arid’id’a bei mi le sun nda tchod’a ni, gagazi, mba mi kak karid’a, mba mi mit ti.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Sunda hi suma hi Levi-nid’a 18:5

Agi ngomogi gat manda ki vun man ma hed’a. Sama nga mi tit kazina mba mi kak karid’a ni kaziya, kayam an ni Ma didina.

Amos 5:14

Agi halagi ni djivid’a, agi halagi ni tchod’a d’i. Hina wani, va mba mi lagi d’i. Ma didina Alo ma ad’engêm kal petna mba mi kak ki sed’egi d’igi agi dagi na.

Amos 5:24

Wani agi aragi sariya d’a d’ingêra ti djang d’igi mbina na, agi aragi d’ingêra ti djang d’igi toliyon nda bei sod’a ba d’a na mi.

Amos 5:4

Ma didina mi de mi Israel-lâ ala: Agi halan-ngïya, va mba mi lagi d’i.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Jean 14:21

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Romê-na 1:17

Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

Gat ta a hat á mbàd’id’a 11:1

Moise mi de kua ala: Agi lagi yam Ma didina Alo magina, agi tid’igi kur lovot mamba burâ ki burâ yam zla mamba, yam gat mamba, yam vun mam ma hed’a mi.

Gat ta a hat á mbàd’id’a 4:1

Moise mi dazi kua ala: Agi Israel-lâ, agi humugiya! Agi tid’igi yam gata ki vun ma he ma an nga ni hagizina, kayam agi kagagi karid’a, agi kalagi kur ambas sa Ma didina Alona habuyogi ngolona mi hagizid’a mi.

Gat ta a hat á mbàd’id’a 5:1

Moise mi yi Israel-lâ pet, mi dazi ala: Agi Israel-lâ, agi humugi gata ki vun ma he d’a suma an nga ni dagizi inina, agi ngomogiziya, agi tid’igi kazi mi.

Gat ta a hat á mbàd’id’a 6:25

Le ei ngomei vun ma he mama pet, ei tid’i kam memet avoromu ni, ei mba mbud’i suma d’ingêrâ d’igi zla mamba de na.

1 Jean 2:29

Le agi wagi Christ ala ni Ma d’ingêrâ ni, ar agi wagi ala nge nge pî ma nga mi le d’ingêrina ni ma Alona mi vud’uma mi.

1 Jean 3:7

Grona, ar sa vid’igi woi d’i. Sama nga mi le d’ingêrina ni d’ingêr d’igi Jesus Christ tamba ni ma d’ingêr na mi.