Ezekiyel 18:7 - Bible azumeina

⁷ nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Ezekiyel 18:7 ပူးပေါင်းရင်းမြစ်များ

Nehemi 5:10

An ki b’oziyona kazungeî mana, ami hazi beged’a kawuna balâ mi. Ar ei vei ahle ndazina abozi d’i.

Wana ni mbaktumba hi Job-pa 22:6

Kayam ang yo ahle suma b’oziyongâ a dengêngzina kad’enga bei zla ba, ang b’at baruna abo suma, ang arazi gandilad’a.

Wana ni mbaktumba hi Job-pa 24:3

A nga yo korona hi suma hokuyod’ina, a nga ndamuzleina harop suma modonod’ina mi.

Wana ni mbaktumba hi Job-pa 24:9

Suma a nga ve gor ma hokuyod’a woi avun apona, a nga vahle suma denga abo sama houd’a mi.

Sawal la giled’a 112:4

Ata yima yina mi mbut nduvundina, b’od’a nga d’i b’o woi yam suma d’ingêrâ, yam suma d’engzengâ, yam suma a le djivid’ina, yam suma a we hohowa sumina mi.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Sawal la giled’a 41:1

Ni sawal la David mi hlat mi hat mi ma ngolâ hi suma hle sawalina.

Buzuk ka Abud’a 22:25

Le sama hohoud’a aduk sum mana, mi nde beged’a abogiya ni, agi lum d’igi suma he bal suma dingâ a nga le hina d’i, agi djobot mbiyot ti.

Buzuk ka Abud’a 22:26

Le ndragina mi dengêgi baru mam mba ngola ni, agi hulongômzi bei afata nika,

Buzuk ka Abud’a 23:9

Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.

Zla d’a d’ogolâ 14:31

Sama nga mi djop vun sama kid’akina mi ngulî Salam ma luma, wani sama mi we hohowa ma hohoud’ina mi suburî Salam ma mi luma.

Zla d’a d’ogolâ 28:27

Sama nga mi hahlena mi suma houd’ina, nga mi kid’ak ki, wani sama nga mi duk iram mbei kazina suma ablaud’a a mba gum vuna.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Zla d’a d’ogolâ 3:31

Ar ang le d’od’oka yam sama hurum akud’ina d’i, ar ang hlum zla mamba d’uo mi.

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 18:16

le nga mi b’at va abo sa kad’eng nguo, le nga mi hulong vama sana mi dengêmzina, le nga mi kul luo, le nga mi he te mama mi sama meid’a tchuma, le nga mi he baruna mi sama gandilad’a,

Ezekiyel 18:18

Nabum ba, mi djop vun suma, mi yo ahlena kad’enga abo ndroma, mi le sunda ata yat tuo d’a aduk sum mama. Ni mam ba, mba mi mit yam tcho mamba.

Ezekiyel 33:15

Le sama asa’atna mi hulong vama mam ndum abo sanina woyo, mi wurak yam vama mam kuluma, mi tit yam gat ta he arid’id’a bei mi le sun nda tchod’a ni, gagazi, mba mi kak karid’a, mba mi mit ti.

Ezekiyel 7:23

Ang min kindjingâ, kayam ambasa ti oyâ wa ki suma tchi matna, azì ma ngolâ mi oyâ wa ki suma murud’umba mi.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Sunda hi suma hi Levi-nid’a 25:14

Le agi guzugi va woi abo tagi d’oze agi guzugi va abo tagiya ni, ar agi lagi ir tagi d’i.

Amos 2:6

Ma didina mi dala: Israel-lâ a nga i avogovok kur tchod’a wan pî, an mba ni djok vunan yam zla d’a an data d’i. Azi gus suma d’ingêrâ woi yam kawei ma hapma, a gus ma houd’a woi yam atuguru ma ir tchuka tuna,

Amos 2:8

A nga bur kä gen yima ngal ahle suma ngat buzu ma lara ge yam baru d’a suma houd’a a nga dengêzizid’a, a nga tche süm guguzlud’a kur gonga halo mazinid’a ki bege d’a a kat yam suma ata lovod’ot tuo d’a.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Amos 6:3

Agi djib’eregi ala agi walagi wa woi dei ki bur ma ndaka, wani agi hud’ugi ni murud’umba á te kagagiya.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Mise 3:2

Wani agi nga noyôgi vama djivina, agi nga lagi yam vama tchona, agi nga hôgi babak suma woi ki hliwizi gak arazi asogozi woi pid’agi!

Sofoni 1:9

Kur bur máma an mba ni ngop suma a nga pir yam agu ma avun gongina ki suma a nga oî azina hi salazina ki ndjondjoî d’a murud’umba ki d’a mbut irina.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Wana ni Zla d’a Djivi d’a Luc mi b’irita 3:11

Mi hulong dazi ala: Sama nga ki barud’a mbàna, mi he tu mi sama nga ki d’uo na; sama nga ki tenina, mi le hina mi.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.