Ezekiyel 18:25 - Bible azumeina

²⁵ Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 18:25 ပူးပေါင်းရင်းမြစ်များ

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

Wana ni mbaktumba hi Job-pa 15:13

Ata yima ang djok djib’er ra tchod’a á kak djangûna kAlonina, andjaf zla d’a tchod’a ti ndavunang wan nduo zu?

Wana ni mbaktumba hi Job-pa 32:2

Ata yi máma Elihu Barakel ma Bus ma ad’u andjafâ hi Ram-ma goroma hurum zala. Hurum zal ngola ata Job, kayam Job mi dala mam mi ma d’ingêrâ avok Alona.

Wana ni mbaktumba hi Job-pa 35:2

Ata yima ang nga dala: An fe ni me, d’oze an fe ni djiviya me ata yima an ar tchod’a bei led’a ge na, ang djib’er ala zla manga ni zla d’a irata, d’oze ang mbut ni sama d’ingêrâ avok Alona zu?

Wana ni mbaktumba hi Job-pa 40:8

Ang ngeyezi kä aduk andaga d’a gugud’upa ki zla tazi pet, ang djinizi kä kur nduvunda.

Sawal la giled’a 145:17

Ma didina ni ma d’ingêrâ kur lovot mamba pet, mam mi ma djivina kur sun mam mba led’a pet mi.

Sawal la giled’a 50:21

Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Zla d’a d’ogolâ 19:3

Lilid’a hi sanid’a nga d’i b’lagam lovot mamba, wani hurum krovo mi zalî ata Ma didina zang.

Jeremi 12:1

Jeremi mi dala: Ma didina, angî Ma d’ingêr ma kal teglesâ. An ndak nga á le sariyad’a ki sed’eng ngi. Wani an min djobong yam sariya mang nga kad’a ala: Ni kayam me ba, suma asa’atna a nga fe djivid’a ge? Ni kayam me ba, suma mbut ira a nga kaka ki halasa ge?

Ezekiyel 18:26

Le sama d’ingêrâ mi ar sun mam mba d’ingêra woyo, le mi le sun nda ata yat tuo d’a, le mi mid’a ni, mi mit ni yam sun mam mba ata yat tuo d’a mi lata.

Ezekiyel 18:29

Agi Israel-lâ, agi nga dagi ala: Lovota hi Ma didinid’a nga d’ingêr ri. Agi Israel-lâ, ni lovot manda ba ti nga d’ingêr ruo d’ö zu? Ni lovot magid’a ba, ti nga d’ingêr ruo d’ö gi?

Ezekiyel 33:17

Sum mangâ a nga dala: Lovota hi Ma didinid’a ti nga ata yat ti. Wani ni lovot mazid’a ba, ti nga ata yat tuo dö!

Ezekiyel 33:20

Agi Israel-lâ, agi nga dagi ala lovot manda ti nga ata yat ti. Agi wagi ala an mba ni ka sariyad’a yam nge nge pî adigagi ni yam tit mamba.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Romê-na 3:5

Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.