Ezekiyel 18:20 - Bible azumeina

²⁰ Ni sama nga mi le tchod’ina ba, mba mi mid’a. Gorâ nga mi zi tchod’a habumba d’i, abud’a nga mi zi tchod’a hi goromid’a d’uo mi. A mba wurak sama d’ingêrâ ni yam sun mam mba d’ingêra, wani a ngop sama asa’atna ni yam sun mam mba asa’ata mi.

Ezekiyel 18:20 ပူးပေါင်းရင်းမြစ်များ

1 Amuleina 14:13

Israel-lâ pet a mba tchimu, a mba tozom mi. Aduk suma hi Jerobowam-ma pet ni mam tu ba, a mba tozomu, ni mam tu aduk suma avo hi Jerobowam-ma ni vama djivi ma le Ma didina Alona hi Israel-lîna tam djivid’ina.

1 Amuleina 8:32

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

2 Amuleina 14:6

Wani mi tchi nga suma tchi matna grozina woi d’i, kayam zla d’a a b’irit kur Mbaktum mba Gata hi Moise-sa, kayam Ma didina mi he vuna ala: Ar agi tchagi abuyod’a woi yam tchod’a hi grod’id’a d’i, ar agi tchagi grod’a woi yam tchod’a habuyod’id’a d’uo mi. Ar agi tchagi nge nge pî yam tcho mam mba mi lata.

2 Sunda Hamuleinid’a 25:4

Wani mi tchi nga grozina woi d’i, kayam zla d’a a b’irit kur Mbaktum mba Gata, kur mbaktumba hi Moise-sa, kayam Ma didina mi he vuna ala: Ar agi tchagi abuyod’a woi yam tchod’a hi grod’id’a d’i, ar agi tchagi grod’a woi yam tchod’a habuyod’id’a d’uo mi. Ar agi tchagi nge nge pî yam tcho mam mba mi lata.

2 Sunda Hamuleinid’a 6:23

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

2 Sunda Hamuleinid’a 6:30

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

Buzuk ka Abud’a 32:33

Ma didina mi de mi Moise ala: Ni sama le tchod’a avogona ba, an mba ni tchum simiyêm mbei kur mbaktum manda!

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Ezekiyel 14:16

le suma hindi ndazina a nga kurud’u ni, an Salad’a Ma didin ma bei matna nga ni de, azi mba sut gro andjof foze gro arop puo mi. Ni azi tazi hol ba, a mba sud’a, ambas ndata mba d’i ar djona.

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Ezekiyel 18:30

Agi Israel-lâ, ni kayam ndata ba, an mba ni kagi sariyad’a kagi nge nge pî yam tit mamba. An Salad’a Ma didina nga ni dagiya: Agi mbud’ugi hurugi yam tcho magid’a, agi hulongôgi tala ar tcho magid’a ti mbud’ugi vama b’lagagina d’uo d’a.

Ezekiyel 18:4

Gola! Arid’a hi suma pet ni hur abonu. Arid’a habud’id’a ki d’a hi gorîd’a dja’î hur abonu. Ma nga mi le tchod’ina ni ma mba mi mitna.

Ezekiyel 33:10

Ma didina mi dan kua ala: Ang gor sana, ang de mi Israel-lâ ala: Agi nga dagi ala: Tchila mamid’a ki tcho mamid’a a nga kamiya; ni azi ba, a mbud’umi hohoud’a. Ni nana ba, ami mba sud’umi woi ge?

Ezekiyel 33:6

Le ma ndjola, mi we suma djangûna a nga djïya, wani mi bu nga adifa á ge hum suma d’uo ba, suma djangûna a mba a tchi sa aduk suma ni, ndata ni tchod’a hi ma ndjolid’a. An mba ni djop mad’a sa máma natam mamu.

Ezekiyel 4:4

Bugola, ang bur kä yam bigang nga gulad’a, an mba ni tin tchod’a hi Israel-lîd’a kangû. Ang mba zi tcho mazid’a kang ata yima ang mba le burâ ablaud’a kä ata yi mámina.

Sunda hi suma hi Levi-nid’a 10:17

Ni kayam me ba, agi mud’ugi vama a tchum á zlup yam tchod’ina ata yima a tinim iram vama d’uo ge? Ni vama a tinim iram vam ma kal tegles ma Ma didina mi hagizina, kayam agi zigi tchod’a hablau sumid’a á zlubuzi yam tcho mazid’a avogomu.

Sunda hi suma hi Levi-nid’a 16:22

Mbekmberena mba mi hle tcho mazid’a kamu, mba mi i ki sed’et abagei hur ful ma sa nga kua d’uo na. Ata yima sa máma mi dik mbekmberena sä abagei hur fulâ dana,

Sunda hi suma hi Levi-nid’a 19:8

Sama tuma mba mi hlaneka hi tcho mambid’a kamu, kayam mi golî vama a hum mi an Ma didinina is. Sama hina na a mba pad’am mbei aduk sum mama.

Sunda hi suma hi Levi-nid’a 5:1

Ma didina mi de kua ala: Le sana mi hum yi d’a sana mi yi suma glangâsâ yam vama mi wum ki iram mboze mi humum ki humama ko ba, le mi de nga woi kam mbuo ni, zlad’a nga kamu.

Sunda hi suma hi Levi-nid’a 5:17

Le sana mi tchila yam vun ma hed’a hi an Ma didinina tu, mi le tchod’a bei mi wat ad’ut pî, zlad’a nga kamu; tcho mam ndata ti arî kam na.

Ndumba 15:31

Mba mi zi tchod’a hanek ka a digim mbei kata, kayam mi golon is, mi tchila yam vun man ma hed’a mi.

Ndumba 18:1

Ma didina mi de mi Aron ala: Ang ki grongâ ki b’oziyong suma ad’u andjafâ hi Levi-nina, agi zigi aneka hi tchod’a pet ta suma a mba lat ata yima kud’orid’a. Ang ki grongâ agi zigi aneka hi tcho d’a suma ngat buzuna a mba lata pet mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Gat ta a hat á mbàd’id’a 24:16

Moise mi de kua ala: Ar agi tchagi abuyod’a yam tchod’a hi grod’id’a d’i, ar agi tchagi grod’a yam tchod’a habuyod’id’a d’uo mi, ar agi tchagi nge nge pî yam tcho mam mba mi lata.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.