Ezekiyel 17:9 - Bible azumeina

⁹ Ang dazi ala: Salad’a Ma didina mi dala: Guguzlu ndata mba d’i ruî avogovok su? B’aru ma avo’â mba mi pad’at sideyet tei ki vud’ut tala ti so woi ki humat ped’u d’a d’uo zu? Mba mi hal ad’eng nga ngol loze suma ablaud’a á pad’at tei ki sidiyet ti.

Ezekiyel 17:9 ပူးပေါင်းရင်းမြစ်များ

2 Sunda Hamuleinid’a 13:12

Gola! Alona mi nga ki sed’emiya, mi nga mi tit avoromiya, mam suma ngat buzuna a nga kaduvei suma tchina á bud’a á tagami lovota á dur ayîna ki sed’egiya. Agi Israel-lâ, ar agi durugi ayîna ki Ma didina Alona habuyogi ngolona d’i, kayam agi ndak á kus kam mbi.

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Jeremi 32:5

Amul ma Babilon-na mba mi i ki Sedekiyas Babilon, mba mi kak sä kua gak bur ma an mba ni duma. Le agi durugi ayîna ki suma Babilon-na pî, agi mba kuzuzi d’uo ge?

Jeremi 37:10

Ladjï agi durugi ayîna ki azigar suma Babilon suma a nga durugi ayînina, ladjï arî suma agi dagazina go pî, nge nge pî kur zlub’u mamba mba mi hulong mi tchol mi ngal azì ma ngol ma wana woi kakud’a!

Ezekiyel 17:10

Guguzlu ndata a pat wa kä da’, na ni mba d’i ruî avogovok su? Le simet ma abo ma yorogona mi sir kad’u ni, mba mi sot tei d’uo zu? Mba d’i so woi ata yima ti wul kuana.

Ezekiyel 17:8

A pat nata yima djivina, ata yima mbina nga kua heîna tala abot mi se mi vud’a, ti mbut guguzlu d’a djivid’a d’a.

Amos 2:9

Hina pet pî, an tchi suma Amor suma fuyogeid’a d’igi agu sedrena na suma ad’engêzi d’igi agu sena na na woi avoroziya, an tchazi vud’uzi woyo, an sozi sideyezi woi mi.

Ndumba 14:41

Moise mi dazi ala: Ni kayam me ba, agi tchilagi yam vun ma hed’a hi Ma didinina ge? Agi mba ndagagi d’i.