Ezekiyel 17:21 - Bible azumeina

²¹ Azigar mam suma a mba ringâ a mba tchazi avun ayîna. Azigar suma a arâ, a mba b’rawazi woi yam andagad’a abot ma fid’ina. Agi mba wagi ala ni an Ma didina ba, ni de ni anu.

Ezekiyel 17:21 ပူးပေါင်းရင်းမြစ်များ

2 Amuleina 25:11

Ata yi máma Nebuzaradan ma ngolâ hi suma a ngom yinina, mi yo suma a ar kur azinina ki suma a i ad’u amul ma Babilon-nina zlapa ki suma d’al suma a arâ mi.

2 Amuleina 25:5

Azigar suma Babilon-na a dik amulâ Sedekiyas ad’um gak a vumï sä hur ful la Jeriko-d’a. Ata yi máma azigar mama pet a ndjoî woi vivreng, a aramu.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Jeremi 48:44

Ma didina mi de kua ala: Sama mi ring abo mandarîna mba mi nde kur zula. Ma djagï akulo woi kur zulina, abeid’a mba d’i vum mi, kayam an nga ni mba ki biza d’a ndaka yam azì ma Mowap-ma.

Jeremi 52:8

Wani a dik amulâ Sedekiyas ad’um gak a vumï sä hur ful la Jeriko-d’a. Azigar mama pet a ndjoî woi vivreng, a aramu.

Ezekiyel 12:14

Azungeî suma a nguyuma, azigar mam suma a nga ngomoma zlapa ki azigar suma dingâ pet, an mba ni ndjoyôzi woi ata andagad’a abot ma fid’ina. An mba ni digizi blogozi kayî ma durâ.

Ezekiyel 13:14

An mba ni to gulumun ma agi gulud’ugizi ki lasod’ina kä woyo, an mba ni drizim kä woi andaga. Ad’um mba ged’a mba d’i ar rei pid’agi, mba mi dris kä woyo. Agi mba dabagi woi kurumu, agi mba wagi ala an ni Ma didina.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 5:10

Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Ezekiyel 6:10

Azi mba wala an ni Ma didina, an dazi zlad’a ni hawa d’uo, an ngobozi ki ndak ka wanda ni hawa d’uo mi.

Ezekiyel 6:7

Mad’a suma mba mi tchuk kä adigagiya, agi mba wagi ala an ni Ma didina.

Amos 9:1

An we Salad’a mi nga tchola yam yima ngal ahle suma ngat buzuna, mi dala: Agi tumugi agu ma murgulina yam mba djumba, ar agu ma avun gong nga kud’orina mi giged’a! An mba ni kuzuzi yazi woi pet; ad’uzi d’a ara, an mba ni tchazi woyo. Sa tu pî mba mi ndak á ring ngi, sa mba mi sut tu d’uo mi.