Ezekiyel 17:20 - Bible azumeina

²⁰ An mba ni gun dau mana kä avoromu; mba mi ve ki dau mana, an mba ni im Babilon, an mba ni kam sariyad’a kam sä kua yam sun nda tcho d’a mi landjid’a.

Ezekiyel 17:20 ပူးပေါင်းရင်းမြစ်များ

2 Samuel 18:9

Ata yi máma Apsalom mi ndabo suma hi David-na. Mi nga yam koro ma akulum ma akuluma. Koro mama mi kal ad’u abo agu ma ngolâ. Apsalom tumus sa kamba ti vakulo ata abo agu máma, mi ar sä gapa akulo, koro mama mi ngabom djangâ.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

Wana ni mbaktumba hi Job-pa 10:16

Le an ve tan á hle yan akulo ni, ang nga nduwanan d’igi azlona mi nduwan azarâ na. Ang nga ton kahle suma atchapma kua d’ei!

Ma tchi wala 9:12

Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Jeremi 2:35

Hina pet pî, agi dagi ala: Ami ni suma bei zlad’a kamina. Ayî mama mi nga kami d’i. Gola! An nga ni kal ata yima ka sariyad’a ki sed’egiya, kayam agi dagi ala: Ami lami nga tcho d’i.

Jeremi 2:9

Ni kayam ndata ba, Ma didina mi dala: An nga ni le sariyad’a ki sed’egiya, an mba ni le sariyad’a ki grogi ngolona kua d’ei.

Jeremi 34:21

An mba ni he Sedekiyas amul ma Juda-na ki mam suma nglona abo mazi suma djangûna, abo suma a halazi á tchid’ina, abo azigar suma hamul ma Babilon-na suma a wal tazi woi dei ki sed’egina.

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Hor ma tchina 1:13

Mi sunï akud’a akulo, nga d’i ngalan aduk asogonu. Mi gun dauna kä avoronu, mi gan kaziganu, mi mbud’un hohoud’a. An nga ni fe ndaka burâ ki burâ.

Hor ma tchina 4:20

Ma ei nga ki arid’a kama, ni ma Ma didina mi manam mi tinim amulina, ni mam ba, ei nga dei kam ala ei nga ni kaka ad’u anguzumu, ei mba kagei aduk andjaf suma kamu na, gola, a vum wa ki dau mazina!

Ezekiyel 12:13

An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.

Ezekiyel 15:8

An mba ni mbut ambas ndata djona, kayam suma kurutna a he tazi yam sun nda batranga. An Salad’a Ma didina ni de na.

Ezekiyel 17:19

Ni kayam ndata ba, Salad’a Ma didina mi dala: An ni Ma bei matna. Ni gun ta d’a ki simiyênda ba, mi golot is. Ni vun man ma djinda ba, mi bud’um mbei mi. An mba ni hulongôm zla ndata kamu.

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Ezekiyel 32:3

Salad’a Ma didina mi dala: An mba ni gun abei mana kä aduk toka hablau sumid’a kangû, suma a mba vangû, a mba tanang akulo del gongôd’id’a.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 7:12

Ata yima azi nga ina, an mba ni tchuguzi abei manda kaziya, an mba ni tchuguzi kä d’igi aluwei suma akulona na. Ata yima azi nga tok kuana, an mba ni vigiziya.

Mise 6:2

Agi ahuniyôna kandaga d’a ad’ut ta ge d’a ngingid’a, agi humugi zlad’a hi Ma didinid’a kayam Ma didina mi nga ki zlad’a ki sum mama, mi min b’ak zlad’a ki Israel-lâ.

Wana ni Zla d’a Djivi d’a Luc mi b’irita 21:35

Kayam bur máma mba mi mba ni d’igi dauna na yam suma yam andagad’ina pet.