Ezekiyel 17:16 - Bible azumeina

¹⁶ Salad’a Ma didina mi dala: An Ma bei matna ni gun tan ala: Amul máma mba mi mit sä ni kur ambasa hamul ma mi tinim amulina avo Babilon, kayam mi gol gun ta d’a mi gunum tamba is, mi but vun ma djin ma a djinim aduk tazina woi mi.

Ezekiyel 17:16 ပူးပေါင်းရင်းမြစ်များ

2 Samuel 21:2

Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.

2 Amuleina 24:17

Wani Nebukanezar mi hle Mataniya Jojakin abum ma gorâ, mi tinim amula, mi djogom simiyêm ala Sedekiyas.

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

Sawal la giled’a 15:4

Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Buzuk ka Abud’a 8:2

Aron mi hlabom akulo yam mbiyo ma Ezipte-na. Greneûna mi buzugï woi mi, mi oî mbimbigi yam ambas sa Ezipte-d’a.

Jeremi 34:21

An mba ni he Sedekiyas amul ma Juda-na ki mam suma nglona abo mazi suma djangûna, abo suma a halazi á tchid’ina, abo azigar suma hamul ma Babilon-na suma a wal tazi woi dei ki sed’egina.

Jeremi 39:7

Bugola, mi tcho ir Sedekiyas seyo, mi gum alei ma kawei ma hleuna asem mi im Babilon.

Jeremi 52:11

Bugola, mi tcho ir Sedekiyas seyo, mi gum alei ma kawei ma hleuna asem mi im Babilon, mi gum dangeina gak mat mama.

Ezekiyel 12:13

An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.

Ezekiyel 16:59

Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi.

Ezekiyel 17:10

Guguzlu ndata a pat wa kä da’, na ni mba d’i ruî avogovok su? Le simet ma abo ma yorogona mi sir kad’u ni, mba mi sot tei d’uo zu? Mba d’i so woi ata yima ti wul kuana.

Ezekiyel 17:13

Mi hle sana ad’u andjaf ma amula tu, mi djin vunam ki sed’emu, mi lum kad’enga mi gunum tamu, mi i ki suma nglo suma kur ambas ndatina,

Ezekiyel 21:23

Ma didina mi dan ala:

Wana ni mbaktumba hi Oze-d’a 10:4

A nga de zla d’a hawa yaka, a nga gun tazi gun nda ka zlad’a, a nga djin vunaziya, wani sariyad’a mba d’i zul kazi d’igi asu ma tchona mi zul hur asinena na.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Ndumba 30:2

Moise mi de mi suma avok andjafâ hi Israel-lîna ala: Wana ni vun ma he ma Ma didina mi huma:

Romê-na 1:31

Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

2 Timote 3:3

Azi ni suma asa’atna, suma bei we hohowa sumina, suma kad’ud’a, suma bei ve tazina, suma murud’umba, suma a kak djangûna ki djivid’ina.

Josue 9:20

Vama ei mba lum ki sed’ezina ba wana: Ei mba arazi bei tchid’a, kayam gun nda ei gunuzi teid’a. Le d’uo ni, Ma didina hurum mba mi zal keya.