Ezekiyel 17:14 - Bible azumeina

¹⁴ kayambala suma kur leu ndatina a hulong yazi kä, a hle yazi akulo d’uo, a ngom vun mam ma djinda ki d’engzenga d’a.

Ezekiyel 17:14 ပူးပေါင်းရင်းမြစ်များ

Jeremi 38:17

Ata yi máma Jeremi mi de mi Sedekiyas ala: Ma didina Alo ma ad’engêm kal petna, Alona hi Israel-lîna, mi dala: Le ang nde woi d’ugol suma nglo suma hamul ma Babilon-na ni, ang mba sut tangû, a mba ngal azì ma ngol ma wana woi kakud’a d’i, ang ki sum mangâ, va mba mi lagi d’uo mi.

Hor ma tchina 5:10

Babagami nga d’i ngalami d’igi akud’a na abo huwaka hi mei d’a nga d’i tchamid’a.

Ezekiyel 17:6

Agu máma mi wula, mi mbut abu guguzlud’a, mi ruî woyo, wani mi i nga akulo fiyaka d’i. Abom mi ring ir b’aruna, sideyem mi sir kä ad’umu, mi mbut abu guguzlud’a, nga mi zirik grona mi d’uf guguluî mi.

Ezekiyel 29:14

An mba mi hulongî Ezipte suma a yozi magombina, an mba ni mbazi yam ambas sa Patros sa a vud’uzi kuad’a. Ni kua ba, a mba tin ad’u leu d’a gora.

Ezekiyel 29:15

Leu mazid’a mba d’i hulong yat kä ad’u leu d’a dinga, a mba hle yazi akulo yam andjaf suma d’uo d’a, an mba ni feyêzi kayambala azi te yam andjaf suma ding nguo d’a.

Gat ta a hat á mbàd’id’a 28:43

Angoyogei suma a mba kak adigagina, a mba i avogovogo, a mba kalagi kad’enga, wani agi mba dadagagi woi bugolo.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

1 Samuel 2:7

Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.