Ezekiyel 16:61 - Bible azumeina

⁶¹ Fata ndak fe b’oziyok suma arop suma nglona ki suma gureina mi d’a, ndak mba d’i djib’er yam tit maka, ndak mba d’i mbut zulona, an mba ni haksi d’igi grok suma aropma na, wani nga ni yam vun mak ma djinda d’i.

Ezekiyel 16:61 ပူးပေါင်းရင်းမြစ်များ

Ester 9:27

Juif-fâ a tin vun til ma bei ara ba na kaziya, yam andjavaziya, yam suma a zlap ki sed’ezina, á ngom bur ma mbà ma hi vun til mámina bizad’a ki bizad’a, ata bur ma a ngama d’igi Mardose mi b’irizizi kur mbaktumba na.

Sawal la giled’a 119:59

An djib’er yam tit manda, an hulongî á tit yam vun mang ma hed’a.

Isai 60:4

Ndak mbut irak gol gevek ata yina pet. Azi pet a toga, a nga djï gevegu. Grok suma andjofâ a nga djï ata yima deina, a yoï nga grok suma aropma akulo ahlabazi mi.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 20:43

Ata yi máma agi mba djib’eregi yam tit magid’a ki sun nda lara ge d’a agi mbud’ugi tagi ndjendjed’a ki sed’eta, agi mba hlagi iragi akulo abo sun nda tcho d’a lara ge d’a agi lata d’i.

Ezekiyel 36:22

Kayam ndata, ang de mi Israel-lâ ala: Ma didina mi dala: Ni kayam agi Israel-lâ ba, an lahle ndazina d’i, wani ni kayam simiyên Ma bei tchod’a ma agi mbud’um ndjendjed’a aduk andjaf suma ding suma agi igi kuana.

Ezekiyel 43:10

Ang gor sana, ang vad’ud’a yam ngad’a hi gong mandid’a mi Israel-lâ. Ar zulona mi vazi yam tcho mazi d’a led’a pet, ar azi min tazi á gol ngad’a hi gong mandid’a djivi mi.

Ezekiyel 44:13

Ar azi mba avoron á le sun nda ngat buzuna d’i, ar azi hut go kahle suma a tinizi irazi vazi kana d’i, ar azi kal kur Yi man ma a tinim iram vam ma kal teglesâ d’uo mi. Hina wani, azi mba zi aneka hi sun mazi d’a zulo d’a ndjendje d’a azi lata kaziya.

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Romê-na 11:11

An nga ni djop ala: Ata yima Juif-fâ a dap asezina, a pu’î kä ki irazi fafad’u zu? Nga na d’i! Wani ni yam tchila mazid’a ba, suma dingâ a fe ki suta, kayam Juif-fâ a le yungôra kaziya.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Efes-sâ 3:6

Wana ni zla d’a muduri ndata: Yam Zla d’a Djivid’a andjaf suma dingâ a zlap tu ki Juif-fâ, a te djona ki sum mama tu, a mbut hliu ma tuna kayam vun ma hle ma Alona hlum yam Jesus Christ-sâ mi.

Hebre-na 7:12

Wani le a mbut sunda hi suma ngat buzunid’a kä ni, mbeî a mbut gata kä mi.

Hebre-na 8:13

Ata yima Alona mi dala: Wana ni vun ma djin ma awilina na, mi mbut ma avo’â adjeud’a. Wani vama mbut adjeunid’a mi mbut ni mamara, ar go á dap peyo.