Ezekiyel 16:52 - Bible azumeina

⁵² Ndak ka ka sariyad’a adjeu yam b’oziyok suma aropmid’a, ki tchetchemba, ndak ve tak kur zulo ma’â, kayam tcho mak ka ndak lata ti mbud’uk ndjendjed’a kalaziya. Ata sun mak ka led’a, ndak tak kei ala azi narop suma d’ingêrâ kalagu. Ndak kak kur zulo ma’â, ndak ve tak kur zulo ma’â mi, kayam ndak mbut b’oziyok suma aropma d’igi azi narop suma d’ingêrâ na!

Ezekiyel 16:52 ပူးပေါင်းရင်းမြစ်များ

Ad’u Tinda 38:26

Juda mi waziya, mi dala: Ndat ti d’ingêr kalan anu, kayam an hat nga mi gorona Sela d’i. Bugola, mam dok zlap nga ki sed’et ti.

1 Amuleina 2:32

Ma didina mba mi ka sariyad’a kamu, kayam mi tchi suma mbà suma a kalam ki d’ingêra ki djivid’a mi na, abun mi we d’uo mi. Mi tchi Apner Ner goroma ma ngolâ hi azigar suma Israel-lîna ki Amasa Jeter goroma ma ngolâ hi azigar suma Juda-nina mi.

Jeremi 23:40

an mba ni tinigi ngul la bei dabid’a atagiya, an mba ni mbud’ugi zulona, ni zulo ma bei sa mi mar kam ba na.

Jeremi 3:11

Ma didina mi dan kua ala: An we Israel suma tcha tatana a djivid’a iran kal Juda suma bei d’engzengâ.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Jeremi 51:51

Suma hAlonina a dala: Zulona mi vami yam ngul la a nga ngulumid’a. Zulona mi vami kekei, kayam andjaf suma dingâ a mba, a tchuk kur gong nga a tinit irat vata hi Ma didinid’a.

Ezekiyel 16:47

Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö!

Ezekiyel 16:48

An Salad’a Ma didin ma bei matna nga ni dagu: Wiyeka Sodom ki grot suma aropma a le nga tcho d’a ndak ki grok suma aropma lagizid’a d’i.

Ezekiyel 16:53

An mba ni hulongî Sodom ki grot suma arop suma a yozi magombina, an mba ni hulongî Samari ki grot suma arop suma a yozi magombina ki grok suma a yozi magombina adigazi mi.

Ezekiyel 16:54

Kayambala ndak ve tak kur zulo ma’â, ndak mbut zulona yam ahlena pet suma ndak lazina, ndak mbut ni vama b’leng hurâ kaziya d’a.

Ezekiyel 16:56

Avok ka bei ad’u asa’at maka nde woi ata yima ndak subur ta’â, ndak gol wiyeka Sodom is. Ki tchetchemba, ndak mbut ni vama ngula abo gro arop suma Asiri-na ki suma pet suma a nguyuzina, abo gro arop suma Filistê suma a nga noyôk ata yima lara ge petna mi.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 32:24

Gola! Amul ma Elam-ma mi nga kua ki azigar mama. Asud’a hi azigar mam suma a tchazi avun ayînina pet ti ngui asu mamba. Azi ni suma bei ngat bayâd’ina, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma ding suma a i kä azuleina.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Ezekiyel 44:13

Ar azi mba avoron á le sun nda ngat buzuna d’i, ar azi hut go kahle suma a tinizi irazi vazi kana d’i, ar azi kal kur Yi man ma a tinim iram vam ma kal teglesâ d’uo mi. Hina wani, azi mba zi aneka hi sun mazi d’a zulo d’a ndjendje d’a azi lata kaziya.

Wana ni mbaktumba hi Oze-d’a 10:6

A mba i ki sed’em he d’a hawad’a mamul ma ngol ma Asiri-na. Suma Efraim-ma a mba tchuk susub’ok, Israel-lâ a mba mbut zulona yam nga hur mazina mi.

Wana ni Zla d’a Djivi d’a Luc mi b’irita 6:37

Jesus mi had’azi kua ala: Ar agi kagi sariyad’a yam sa d’i. Hina wani, Alona mba mi kagi sariyad’a kagi d’i. Ar agi vagi sa ki zla d’i. Hina wani, Alona mba mi vagi ki zlad’a d’uo mi. Ar agi vad’agi hurugi woi yam suma. Hina wani, Alona mba mi vat hurum mbei kagi mi.

Romê-na 1:32

Sum ndazina a we sariyad’a hAlonid’a ala suma a nga lahle suma hina na a ndak á tchid’a. Wani azi nga i avogovok á lahle ndazina, wani vama kalâ, a nga ndjak vunazi ki suma a nga lahle ndazinina mi.

Romê-na 2:10

Wani suma pet suma a le djivid’ina, Alona mba mi hazi lovota á kal kur subur mamba ki hud’a ki b’leng nga halasa, suma Juif-fâ avogo, bugola, andjaf suma dingâ mi.

Romê-na 6:21

Adjeu agi fagi ni me ata yima agi nga lagi sunda, agi nga lagi zulona kat ki tchetchembid’a ge? Kayam dabid’a hi sun ndatid’a ni matna.

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.