Ezekiyel 16:49 - Bible azumeina

⁴⁹ Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 16:49 ပူးပေါင်းရင်းမြစ်များ

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

Ad’u Tinda 18:20

Ma didina mi de mi Abraham ala: Käl la suma a kal yam suma Sodom-ma ki suma Gomor-rîd’a ti kal ngola heî; tcho mazid’a kal ngola heî mi.

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Ad’u Tinda 19:9

Azi hulong dum ala: Ang hut tang ngeyo! Azi de kua ala: Sa máma mi mba ni mbeid’a adigeya, mi ndak á ka sariyad’a kei zu? Ang le hut tang ngei d’uo ni, ami lang ini vama tcho ma kal ma ami lum ini mi sum ndazinina. Azi hep Lot kad’enga, a hut go á hal á kus vun azina.

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 16:5

Suma subur tazina pet ni vama ndjendjed’a ir Ma didina; gagazi, ei wei woi tetet ala mam mba mi ngoboziya.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Zla d’a d’ogolâ 21:13

Sama mi tos humam mbei á hum tchina hi sama houd’ina, fata mam tam mi tchid’a, sa nga mi hulongôm humba d’uo mi.

Zla d’a d’ogolâ 21:4

Subur tad’a ki yam mba ad’enga a nga tak tchod’a hi suma asa’atnid’a woi d’igi lalamba nga d’i b’o na.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 16:6

Ami humumi zla yam mba ad’enga hi suma Mowap-mid’a, zla subur ta mazi d’a kal teglesa, hur mazi ma ngolâ, djib’er mazi d’a kal kazid’a ki subur ta mazi d’a hawa yaka mi.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Isai 47:8

Ndak ka djifâ heîd’a, ndak ka nga kaka halasa, ndak ka nga de kuruk ala: Sama d’igi an na na nga d’uo an mba ni ar modonod’a d’uo grona a mba dap pei d’uo mi d’a, ndak huma!

Jeremi 48:11

Azì ma Mowap-ma ki gogorom dei mi ni kaka hina tchugot d’igi süm guguzlu ma mi nga tchola akulo yam haragak mambina na. A djogom nga vod’a woi kur dei ma ding ngi, a im nga magomba yam tu d’i. Ayâm nata yam hina en, hizim djok nga d’uo mi.

Ezekiyel 16:46

Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Ezekiyel 18:12

le nga mi hulong vama sana mi dengêmzina d’uo, le mi tin iram yam fileina, le nga mi lahle suma ndjendjed’a,

Ezekiyel 18:16

le nga mi b’at va abo sa kad’eng nguo, le nga mi hulong vama sana mi dengêmzina, le nga mi kul luo, le nga mi he te mama mi sama meid’a tchuma, le nga mi he baruna mi sama gandilad’a,

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Ezekiyel 23:42

Suma ablaud’a a mba avo hataziya. Suma a nga hum siwel la furîd’a hi suma ablau suma a tcholï hur fulâ abom ma lara ge petna avo hataziya, a tchuk wulaka del abo b’oziyo d’a mbà ndata, a d’ud’uzi kadamul la djifâ kazi mi.

Ezekiyel 28:17

Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Abdiyas 1:3

Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?

Wana ni Zla d’a Djivi d’a Luc mi b’irita 17:28

Kur atchogoid’a hi Lot-ta ni na mi. Suma a te, a tche, a guza, a gus seyo, a zar andjafâ, a min gongîyona.

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Jacques 5:5

Agi kagagi wa yam andagad’a ka hî ki duzîd’a ki furîd’a kur d’od’oka hi hliwigid’a, agi d’orogi wa yam bur ma ngata.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.