Ezekiyel 16:41 - Bible azumeina

⁴¹ Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Ezekiyel 16:41 ပူးပေါင်းရင်းမြစ်များ

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Wana ni mbaktumba hi Job-pa 34:26

nga mi tozi d’igi a to suma asa’atna na ir suma pet.

Isai 2:18

Fileina ki zlam pet mba mi dap peyo.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Jeremi 39:8

Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Ezekiyel 11:9

An mba ni digigi woi kur azì máma, an mba ni hagi woi abo andjaf suma dingâ, an mba ni ndak vun zla manda, an mba ni kagi sariyad’a kagi mi.

Ezekiyel 16:33

Gaulangâ pet mi ve ni wuraka abo suma, wani ndak he he mak ka hawad’a ni mi buniyô’â, ndak nga d’i wuragazi á tanazi atak ata yima lara ge pet kur gaulang ma’â.

Ezekiyel 23:10

Azi arat gandila, a yo grot suma andjofâ ki grot suma aropma, a tchat ki mbigeu d’a fiyaka, a kat sariyad’a kad’u. Ti mbut ni vama taka marop suma dingâ mi.

Ezekiyel 23:27

An mba ni d’elek sun mak ka le d’a batranga ki gaulang mak ma ndak tcholï ki sed’em Ezipte deina, ndak mba d’i mbut irak irazi d’i, ndak mba d’i djib’er yam Ezipte d’uo d’a.

Ezekiyel 23:48

An mba ni d’el tcho d’a led’a kur ambasa. Aropma pet a mba had’a, a mba le tcho d’a b’oziyo d’a mbà ndata a lata d’uo d’a.

Ezekiyel 37:23

Azi mba mbut tazi ndjendjed’a ki filei mazi ma tchet ma ndjendjed’a kandjaf tcho mazi d’a tetenga d’uo d’a. An mba ni prud’uzi woi kur yima lara ge ma azi kak kua ma azi le tchod’a kuana, an mba ni mbud’uzi yed’et. Azi mba ka’î sum mana, an mba ni ka’î Alo mazina mi.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

Gat ta a hat á mbàd’id’a 13:11

Hina wani, agi Israel-lâ pet, agi mba hum zla ndata, agi mba lagi mandarâ; sa mba mi le andjaf tcho d’a hina d’a adigagi d’uo d’a.

Gat ta a hat á mbàd’id’a 13:16

Agi togogi ahle suma agi yogizina hurazina d’ad’ar, agi ngalagi azì máma kahle suma agi yozina pepet woi kakud’a avok Ma didina Alo magina. Azì máma mba mi arî azì ma b’laka ki iram fafat; ar sa mi minim akulo d’uo d’a.

Gat ta a hat á mbàd’id’a 22:21

ata yi máma a nde ki sed’et tei avun azina habutna, suma hur azinina a durut kahinad’a, a tchat teyo, kayam ti le ni sun nda ata yat tuo d’a aduk Israel-lâ, ti b’lak tat navo habud’u. Hina wani, agi mba d’elegi tcho d’a led’a woi adigagiya.

Gat ta a hat á mbàd’id’a 22:24

agi buzuguzi woi avun azina, agi duruzi kahinad’a zla tazi djak. Agi tchazi woyo, kayam gor atcha ndata ti yi nga akulo d’i, kayam ahle ndazina a le ni hur azina avo, kayam sa máma mi burî katcha d’a sama dingâ mi kata. Hina wani, agi mba d’elegi tcho d’a led’a woi adigagiya.

1 Timote 5:20

Suma nglo suma gol Toka suma a nga le tchod’ina, ang ngobozi ir suma pet, kayam suma hiuna a mbut mandarâ.