Ezekiyel 16:36 - Bible azumeina

³⁶ An Salad’a Ma didina nga ni dagu: Ndak b’rau wa ndjondjoî maka woyo, ndak ar wa tak gandilad’a á le gaulangâ ki buniyô’â, ndak tuwal wa filei ma ndjendjed’a, ndak hum wa gro’â vama ngat buzuna mi.

Ezekiyel 16:36 ပူးပေါင်းရင်းမြစ်များ

Ad’u Tinda 3:7

Azi djak irazi mal leyo, a we tetet ala azi ni gandilad’a; azi tchil hum tuluma á zlubum ad’uziya.

Jeremi 19:5

Azi min yina akulo ata yima ndingâ mi Bäl á hum grozina he d’a hawa d’a ngala. Nahle suma an he nga vuna kazi d’oze ni de nga zla kazi d’oze a tcholï nga nata djib’er manda d’uo na mi.

Jeremi 2:34

A fe buzuna hi suma hou suma zla nga kazi d’uo na ata baru magina. Ni suma agi vazi nga avun gongîyo magina á kuzuzi vunazi woi d’uo na.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Ezekiyel 16:35

Ndak atcha d’a gaulangâ, ndak hum zlad’a hi an Ma didinid’a.

Ezekiyel 20:31

Ki tchetchemba, agi nga mbud’ugi tagi ndjendjed’a, agi nga hagi grogina vama ngat buzuna mi fileina. Agi Israel-lâ, agi djib’eregi ala ata sun ndata hina ba, an mba ni aragi agi djobon yam va zu? Hawa yak! An Salad’a Ma didin ma bei matna nga ni dagiya, an mba ni aragi agi djobon yan va d’i.

Ezekiyel 22:15

An mba ni ndjoî suma kurungâ woi aduk andjaf suma dingâ, an mba ni b’rawazi woi yam ambasa teteng, an mba ni dap ndjendje d’a kurunga woi pet mi.

Ezekiyel 23:10

Azi arat gandila, a yo grot suma andjofâ ki grot suma aropma, a tchat ki mbigeu d’a fiyaka, a kat sariyad’a kad’u. Ti mbut ni vama taka marop suma dingâ mi.

Ezekiyel 23:18

Ti ndäd’u gaulang matna woi abua, ti ar tat gandilad’a. Ni kayam ndata ba, an wal tan ndei ki sed’et d’igi an wal tan ndei ki wiyeta na mi.

Ezekiyel 23:29

A mba noyôk keyo, a mba yok ndjondjoî maka, a mba arak gandilad’a kezigineû, a mba gak ad’u gaulang ma’â woi ki sun mak ka tchod’a ki batrang maka woi mi.

Ezekiyel 23:37

kayam a he tazi á le mizeuna, a tchi suma mi. A le mizeuna ki filei mazina, a he grozi suma a vud’undjina vama ngat buzu ma ngala woi kakud’a mi.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Ezekiyel 36:18

A mbut ambasa ndjendjed’a ki mat mazi ma tchid’a, a mbut tazi ndjendjed’a ki filei mazi ma tuwala mi. Ni kayam ndata ba, an hurun zal kaziya.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Sofoni 3:1

Ni zla d’a hohoud’a yam azì ma ngol ma suma kuruma a ni suma bei hum vuna, a ni suma ndjendje suma murud’umba mi na.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.