Ezekiyel 16:24 - Bible azumeina

²⁴ Ndak min azì ma gaulangâ, ndak min yima ndingâ ata yina pet.

Ezekiyel 16:24 ပူးပေါင်းရင်းမြစ်များ

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

2 Sunda Hamuleinid’a 21:11

Joram mi min yima kud’or fileina yam ahina d’a Juda-d’a, mi zut suma avo Jerusalem-ma ki suma Juda-na á le gaulangâ mi.

2 Sunda Hamuleinid’a 28:25

Mi tin yima ndingâ kur azì ma nglo ma Juda ma lara ge pet á ngal dubang ma his djivid’ina malo ma dingâ. Ni hina ba, mi zal ki hur Ma didina Alona habuyom ngolona.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Isai 57:7

Ni yam ahina d’a fiyak ka akulo dei ba, agi nga tinigi azang magi ma burâ kua á le tchod’a. Ni kua ba, agi nga djagagi á hagi ahle suma ngat buzuna mi.

Jeremi 11:13

Kayam agi nga kalona ngad’a yam azì ma nglo ma Juda-na gagang, agi tinigi yima ngal dubang ma his djivid’a ma zulona teteng ir palum mba Jerusalem-mba á ngalagi dubang ma his djivid’ina mi Bäl.

Jeremi 17:3

Agi suma Juda-na, ahuniyô mana, bege magid’a, ndjondjoî magid’a pet ki yi magi ma akulo ndingâ, an mba ni he lovota mi suma á hurumuzi hawa yam tcho d’a agi lat yam andaga magid’a peta.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Ezekiyel 16:23

Salad’a Ma didina mi de kua ala: Bugol sun mak ka asa’ata hina pet wani, ni zla d’a hohoud’a kagu. Gagazi, ni zla d’a hohoud’a kagu!

Ezekiyel 16:31

Ata yima lara ma ndak min azì mak ma gaulangâ avun lovot ta lara ge ndak min yima ndingâ ata yima lara ge pet mi na, ndak nga d’i ve bege d’a wuraka d’igi atcha d’a gaulang nga hawad’a na d’i.

Ezekiyel 16:39

An mba ni hak aboziya. Azi mba pleyêk azì mak ma gaulangâ ki yi mak ma ndingâ woyo, azi mba fogok baru ma’â woyo, azi mba yok ahle mak suma djifâ, a mba arak gandilad’a kezigineû mi.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.