Ezekiyel 16:13 - Bible azumeina

¹³ Ni hina ba, an tchuguk lora ki kawei ma hapma, an tchuguk baru d’a luluîd’a atagu, ki baru angsuwad’a ki baru d’a d’udjod’a atak mi. Ndak tafut ta adiged’id’a, mbul ayuma ki mbulâ mi, ndak mbut djif ma kalâ, ndak ndak á te leud’a mi.

Ezekiyel 16:13 ပူးပေါင်းရင်းမြစ်များ

Ad’u Tinda 17:6

An mba ni arang ang mba vut grona ablaud’a, azi mba vut andjaf suma teteng; amuleina a mba buzugï nad’u andjavangû.

2 Samuel 8:15

David mi te yam Israel-lâ pet, nga mi ka sariyad’a yam sum mama pet ki d’ingêra.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

Esdras 4:20

Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.

Esdras 5:11

Wana ni hum mba azi hulongômizid’a: A dami ala: Ami nazungeîna hAlo ma lakulod’a kandagad’ina, ami nga hulong minimi gong nga kud’or ra amul ma ngolâ hi Israel-lîna mi minit adjeu mi dabat bizat kal ngolid’a akulo.

Wana ni mbaktumba hi Job-pa 29:6

an mbus asen ni ki mbul ambira, ahinad’a nga d’i djangî mbulâ kan kä d’igi toliyonda na mi.

Sawal la giled’a 147:14

Nga mi mba ki b’leng nga halasa yam ambas maka, nga mi hobok kawu ma djivi ma kalâ mi.

Sawal la giled’a 48:2

Ma didina ni ma ngol ma mi ndak á giled’a kur azì mam ma ngol ma yam ahina mam mba a tinit irat vatina.

Sawal la giled’a 50:2

Siyon nazì ma djif ma kal teglesâ; Alona nga mi wileï kuru.

Sawal la giled’a 81:16

Suma a noî Ma didinina a hulong wa yazi kä avoromu, wani a kak wa ki djivid’a burâ ki burâ.

Isai 64:11

Ma didina, hina pet ni ang mba le va tu d’uo zu? Ang mba kak hawa hina mudjuk, ang ar ahle ndazina a kal yam ad’eng mamid’a zu?

Jeremi 13:20

Ndak Jerusalem, ndak hle irak akulo, gol mak suma djangûna a nga djï abo ma norâ. Suma an haksi abo’â a nga ni lara ge? Sumala ni subur maka na a nga ni lara ge?

Hor ma tchina 2:15

Suma a nga kalâ pet a nga tchabozi kagu, a nga tchi kukurup, a nga kidjik yazi kak ndak gor weid’a Jerusalem, a nga dala: Wana nazì ma ngol ma a yum ala Ma djif ma kal tegles mala ni Furîd’a hi suma yam andagad’a petna na ko zu?

Ezekiyel 16:10

An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu.

Ezekiyel 16:17

Ndak yo aduk ahle mak suma djifâ, ndak yo lora ki kawei ma hap ma an haksina, ndak minizi anguza andjofâ, ndak le gaulangâ ki sed’ezi mi.

Ezekiyel 16:19

Avungô ma an haksina, afut ta adiged’id’a, mbulâ ki mbul ayuma suma an wuluk ki na, ndak hazizi d’igi ahle suma ngat buzu suma his suma afufuîna na. Wana nahle suma a lena. An Salad’a Ma didina ni de na.

Ezekiyel 23:40

A nga halï andjofâ ata yima deina, a ge sunda kaziya, a faziya, azi mba mi. Arop ndazina a mbus tazi woyo, a sat mbul ma djivina iraziya, a buzuk kei kahle suma djifâ ataziya.

Ezekiyel 27:16

Suma Siri-na a nga mbut abozi ki sed’eng kahle suma ablau suma a nga kurungâ, a nga mba kahina d’a guzut kal tegles sa a yat ala Eskarbukled’a ki baru d’a hleu d’a sisila, ki d’a d’udjod’a ndundub’uka, ki d’a luluîd’a kahina korela kahina d’a a yat ala rubid’a mi.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Gat ta a hat á mbàd’id’a 8:8

Nambas sa wul gemena, awu orsâ, guguzlud’a, tuluma kagu grenatna. Nambas sa mbul olifâ ki mbul ayuma a nga kuad’a.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 12:12

Kid’a agi wagi Nahas amul ma Amon-na mi mba á dur ayîna ki sed’egid’a, agi dan ala: Ami minimi amulâ á te kamiya. Wani Ma didina namul magina.