Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.
Ni nana ba, agi mba dagi ala: Ami mbud’umi nga tami ndjendjed’a d’uo, ami zlabami nga ki Bäl á kud’urom mbuo ge? Gola! Asegi mi kä kur hora wana, agi wagi vama agi luma. Agi ni d’igi djambal la arop pa afefet ta i abo hî i abo hî d’a na.
Ni kayam me ba, agi tchigi yam dak magid’a, yam mbil magi ma nga mi tchil luo na ge? Ni kayam tcho magi d’a zul heîd’a ki tcho magi d’a ngola ba, an ar ahle ndazina a lagi ni na.
Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.
Suma Babilon-na, suma Kalde-na pet, suma Pekot-na, suma Sowa-na ki suma Kowa-na zlapa ki suma Asiri suma ki sed’ezina pet, azi nazungeî suma djifâ, suma te yamba, amuleina, suma simiyêzi mi nde yinina, azi pet ni suma djang akulumeina heîna.
Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.
Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.
Ma didina mi dala: Suma Juda-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ar gata hi an Ma didinid’a ki vun man ma hed’a woyo, kayam azi vit tazi woi ki filei ma ka zla ma abuyozi ngolo a he tazi kama,
