Ezekiyel 14:8 - Bible azumeina

⁸ An mba ni mbut iran ni ngop sa máma, an mba ni mbud’umî vama taka ki vama ndala, an mba ni pad’am mbei aduk sum mana. Hina wani, agi mba wagi ala an ni Ma didina.

Ezekiyel 14:8 ပူးပေါင်းရင်းမြစ်များ

Sawal la giled’a 34:16

Ma didina iram nga tinda yam suma d’ingêrâ, humam nga tinda á hum tchi mazina mi.

Sawal la giled’a 34:17

Ma didina mi mbut iram á kak djangûna ki suma asa’atna, á hled’ezi woi yam andagad’a tala sa djib’er kazi bugol luo d’a.

Sawal la giled’a 37:22

Suma Ma didina mi b’e vunam kazina a mba tandagad’a djona, wani suma mi gazi vunina a mba tchazi woi mi.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Jeremi 21:10

Kayam an nga ni mbut iran á le sulu’â mi suma kur azì ma wanina, nga ni ngalam mbei kakud’a. An mba sud’um mbi. An Ma didina ni de na.

Jeremi 24:9

An mba ni mbud’uzi vama ndjendjed’a, vama hohoud’a, vama ngula, vama sanda, vama lasa ki vama ge vuna ir suma kur leu d’a yam andagad’ina pet ata yima lara ge ma an mba ni ndjoyôzi woi kuana.

Jeremi 29:22

Suma Juda suma a yozi a izi magomba Babilon-na a mba ge vuna mi suma ki simiyêzi ala: Ar Ma didina mi lang d’igi Sedekiyas azi ki Ahap suma amul ma Babilon-na mi ngalazi kakud’ina na!

Jeremi 44:11

Jeremi mi de kua ala: Ni kayam ndata ba, Ma didin ma ad’engêm kal petna, Alona hi Israel-lîna, mi dala: Gola! An nga ni mbut iran atagi á lagi tchod’a á dap suma Juda-na woi pet.

Ezekiyel 13:23

Ni kayam ndata ba, ahle suma hawa ya’â a mba nde tazi iragi d’uo d’a, agi mba djogogi vun ma ka zlad’a bugol luo mi. An mba ni sut sum mana woi abogiya. Agi mba wagi ala an ni Ma didina.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 5:15

Fata an ni kak sariyad’a kak kayî mana ki hur man ma zal ma gugulu’îd’a, ndak mba d’i mbut ni vama ngula ki vama lasa ki vama tak ma mandarâ ir andjaf suma a nguyu’â. Ni an Ma didina ba, ni de na.

Ezekiyel 6:7

Mad’a suma mba mi tchuk kä adigagiya, agi mba wagi ala an ni Ma didina.

Sunda hi suma hi Levi-nid’a 17:10

Le ma Israel-lâ d’oze angei ma nga kaka adigagina, mi te buzuna hi vama lara ni, an mba ni mbut iran ni kak djangûna ki sama te buzu mámina, a mba pad’am mbei aduk sum mama.

Sunda hi suma hi Levi-nid’a 22:3

Ang dazi ala: Sama lara ma aduk andjavagina, le ni kur atchogoi d’a lara pî, ma mi mbut tam ndjendjed’a mi hut go á te he d’a hawa d’a a tinit irat vat ta Israel-lâ a nga handji mi an Ma didinid’a ni, an mba ni digim mbei avoronu, kayam an ni Ma didina.

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Ndumba 16:38

Ahle suma yo aku suma kaweina hi suma a le tchod’a a bo ki na, a bed’ezi woyo. Agi b’alazi ata yima ngal ahle suma ngat buzuna. Kayam azi mba ki sed’ezi avogon an Ma didina, a mbut nahle suma a tinizi irazi vazina, a mba mbut nahle suma taka mi Israel-lâ mi.

Ndumba 19:20

Sama ndjendje ma mi mbut nga tam yed’et tuo na, a mba pad’am mbei aduk ablaud’a, kayam mi mbut ni yima a tinim iram vam mi an Ma didinina ndjendjed’a. Mba mi ka’î ki ndjendjed’a hina, kayam a yamam nga mbiyo ma mbut sana yed’etna kam mbi.

Ndumba 26:10

Andagad’a ti ngo vunat ti ligizi zlapa ki Kore, ata yima sum mama a bona, akud’a ti ngal suma dingâ kikis mbà yam dok vahl mi. Azi mbut ni vama ge humba mi suma.

Romê-na 11:22

Ang we nana ba, Alona mi tak djivi mamba kad’eng mamba woi ge. Mam nga kad’enga yam suma a puk kä na, djivi mamba nga kang ang mi. Wani ar ang kak kur djivi mamba. Le hina d’uo ni, mba mi kang ngei d’igi abo aguna na mi.

1 Korente-na 10:11

Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.

Gat ta a hat á mbàd’id’a 28:37

Agi mba mbud’ugi ni vama atchapma, vama lasa ki vama sanda aduk andjaf suma Ma didina mba mi igi adigazina.

Gat ta a hat á mbàd’id’a 28:46

Gat ndata mba d’i arî d’igi vama ge humba na kagi agi kandjavagiya.

Gat ta a hat á mbàd’id’a 29:19

Le agi humugi wa zlad’a hi vun ma djin máma da ni, ar sa adigagi mi subur tam kurum krovo bugol ala: Le an tit kur min manda, le an ni tche baba ni gurut pî, va mba mi lan ndi d’i.