Ezekiyel 14:22 - Bible azumeina

²² suma a mba ar kurutna a mba mba ki gro andjofâ ki gro aropma. Gola! A mba buzugï woi a mbeï gevegi kur magomba. Agi mba gologi tit mazid’a ki sun mazi d’a led’a, hurugi mba mi b’leng yam ndak ka an mbat yam Jerusalem-mba, yam ahlena pet suma an mbattchi katna mi.

Ezekiyel 14:22 ပူးပေါင်းရင်းမြစ်များ

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

Isai 24:13

Zla ndata mba d’i mba kur ambasa aduk suma ni d’igi a tchi vud’agu olifâ na, d’igi sana mi tchi helena balum guguzlu d’a a d’ud’ut teid’a na mi.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Jeremi 30:11

Ma didina mi de kua ala: An nga ki sed’egi á sud’ugiya, an mba ni dap andjaf ma lara ma an ndjoyôgi woi adigama woi pet, wani agiya, an mba ni dabagi woi d’i. An mba ni aragi hawa bei ngopa d’i, wani an mba ni ngobogi ni ki lovod’od’u.

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Jeremi 5:19

Jeremi, le a djobong ala: Ni kayam me ba, Ma didina Alo meina mi mba ki ndak ndata kei hina pet ke ni, ang dazi ala: Ni kayamba agi noyôm mbei agi i lagi sunda malo ma dingâ kur ambas magid’id’a, agi mba lagi magomba mi suma dingâ kur ambas sa nga ni magid’a d’uo d’a hina mi.

Ezekiyel 12:16

Wani an mba ni ar suma dingâ adigazi tcha. Sum ndazina a mba sut tei avun ayî ma durâ, abo baktarad’a, abo tugud’ei d’a tcho d’a tchi matna mi, kayambala a väd’u sun mazi d’a ndjendje d’a lara ge pet ta azi lata woi aduk suma azi mba i kuana d’a, azi mba wala an ni Ma didina mi.

Ezekiyel 16:54

Kayambala ndak ve tak kur zulo ma’â, ndak mbut zulona yam ahlena pet suma ndak lazina, ndak mbut ni vama b’leng hurâ kaziya d’a.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 20:43

Ata yi máma agi mba djib’eregi yam tit magid’a ki sun nda lara ge d’a agi mbud’ugi tagi ndjendjed’a ki sed’eta, agi mba hlagi iragi akulo abo sun nda tcho d’a lara ge d’a agi lata d’i.

Ezekiyel 31:16

Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Ezekiyel 32:31

Salad’a Ma didina mi dala: Faron ma a tchum avun ayîna ki azigar mamina, mba mi we sum ndazina, hurum mba mi b’leng yam ablau mamba mi.

Ezekiyel 36:20

Kid’a azi mba aduk andjaf suma ding suma azi i kuanid’a, a mbud’un simiyên Ma bei tchod’a ndjendjed’a. Suma a de kazi ala: Suma wana ni suma hi Ma didinina, a buzugï woi ni kur ambas mamba.

Ezekiyel 36:31

Ata yi máma agi mba djib’eregi yam tit magid’a ki sun magi d’a ata yat tuo d’a, agi mba gologi tagi ni vama ndjendjed’a yam tchila magid’a ki sun magi d’a ndjendje d’a agi lat adjeud’a.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Marik 13:20

Ladjï Ma didina mi dadagï burâ go d’uo ni, sana mba mi fe suta d’i, wani ni kayam suma mi manazina ba, mi dadak ki burâ wana.

Gat ta a hat á mbàd’id’a 4:31

Kayam Ma didina Alo magina nAlo ma we hohowa sumina; mba mi aragi woi d’i, mba mi dabagi woi d’i, mba mi mar yam vun ma djin ma mi gun tam kam mabuyogi ngolona d’uo mi.