Ezekiyel 14:19 - Bible azumeina

¹⁹ D’oze le an sunï tugud’ei d’a tcho d’a tchi matna kur ambas ndata, le an ngobozi ki hur man ma zal ma gugulu’â á tchi suma woi ki d’uwarâ,

Ezekiyel 14:19 ပူးပေါင်းရင်းမြစ်များ

2 Samuel 24:13

Gat mi mba gen David ki zla ndata, mi dum ala: Na ni ang min baktarad’a nde yam ambas manga bizad’a kid’iziya, d’oze ang min ring avok mang suma djangûna tilâ hindi, d’oze tugud’ei d’a tcho d’a tchi matna ti le burâ hindi yam ambas manga zu? Ki tchetchemba, ang djib’era, ang man vama ang manama; an hulong humba mi ma sununïna.

2 Samuel 24:15

Ma didina mi sun tugud’ei d’a tcho d’a tchi matna aduk Israel-lâ, ki yorogo dei gak mba ata yima mam ngama, tinï ad’ud’a Dan dei gak mba Berseba. Ti tchi suma 70.000.

1 Amuleina 8:37

Fata baktarad’a ti nde yam andaga ndatid’a, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

2 Sunda Hamuleinid’a 20:9

Le ndaka mba kamiya, nala, durâ d’oze ngopa d’oze tugud’ei d’a tcho d’a tchi matna d’oze baktarad’a ni, ami mba tcholomi avorong avun gong nga wanda kayam simiyêng mi nga kur gong ndata, ami mba yang á ndjunumi kur ndak mamid’a. Ang mba humumiya, ang mba sud’umi woi mi.

2 Sunda Hamuleinid’a 6:28

Fata baktarad’a ti nde yam andaga ndata, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

2 Sunda Hamuleinid’a 7:13

Le an duk wa ir akulod’a, alona nga se d’uo, d’oze le an he vuna mi djera á b’lak ahle suma yam ambasina, d’oze le an sunï wa tugud’ei d’a tcho d’a tchi matna yam sum mana,

Sawal la giled’a 91:3

NAlona ba, mba mi prud’ung ngei abo dauna hi sama nduwandina, abo tugud’ei djabuma mi.

Sawal la giled’a 91:6

d’oze tugud’ei djabum ma vang andjegena d’oze b’lak ka fang falei d’ad’ara d’uo.

Isai 34:3

Mad’azi mi nga tchuka kä andaga, mad’azi nga mi his hir, buzuwazi nga mi djangî kä ata ahinad’a mi.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 21:6

An mba ni tchi suma kur azì ma wanina ki d’uwarâ woi pet. A mba bo abo tugud’ei d’a tcho d’a tchi matna.

Jeremi 21:9

Sama lara ma mi ar kaka kur azì ma ngol ma wanina, a mba tchum avun ayîna ki baktarad’a ki tugud’ei d’a tcho d’a tchi matna. Wani sama mi nde woi mi i gen suma Babilon suma a nguyugi kä na, mba mi sut tam d’igi sama a vumï hurumba avun ayînina na.

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Ezekiyel 14:18

le suma hindi ndazina a nga kurud’u ni, an Salad’a Ma didin ma bei matna nga ni de, azi mba sut gro andjof foze gro arop puo mi. Ni azi hol ba, a mba sud’a.

Ezekiyel 14:20

le Noe ki Danel ki Job a nga kurut pî, an Salad’a Ma didin ma bei matna nga ni de, azi mba sut gro andjof foze gro arop puo mi, a mba sut tei ni yam d’ingêr mazid’a hol.

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Ezekiyel 36:18

A mbut ambasa ndjendjed’a ki mat mazi ma tchid’a, a mbut tazi ndjendjed’a ki filei mazi ma tuwala mi. Ni kayam ndata ba, an hurun zal kaziya.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 7:8

Wani ki tchetchemba, an nga ni mba kayî mana atogo zak, gak ni ndak vun ayî mana á ngobogiya. An mba ni kagi sariyad’a kagi yam tit magid’a, an mba ni wuragagi yam sun magi d’a ndjendje d’a lara ge pet mi.

Amos 4:10

An sunugï tugud’ei d’a tcho d’a tchi matna adigagi d’igi an sunud’ï adjeu Ezipte na, an tchi azungeî magina woi avun ayîna, an ar a yo akulumei magina, an ar hisâ hi mad’a suma a bo kur kang maginina gak mi tchuk atchinagiya. Hina pet pî, agi hulongôgï nga geven ndi. An Ma didina ni de na.

Ndumba 14:12

An nga ni tumuzi ki tugud’ei d’a tcho d’a tchi matna ni dabazi woyo, an mba ni lang andjaf ma ngol ma kalazi kablaud’ina, ma kalazi ki sib’ikina mi.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.