Ezekiyel 14:11 - Bible azumeina

¹¹ kayambala Israel-lâ a vit a wal lei dei ki sed’en ba, a mbut tazi ndjendjed’a ki tcho mazid’a d’uo d’a. Hina wani, azi mba mbut ni sum mana, an mba ni arî Alo mazina mi. Ni an Salad’a Ma didina ba, ni de na.

Ezekiyel 14:11 ပူးပေါင်းရင်းမြစ်များ

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Sawal la giled’a 119:67

Avok ka an bei ge yan kä tua d’a, an vit teyo; ki tchetchemba, an nga ni ngom zla manga.

Isai 9:16

Kayam ndata, Salad’a tam nga d’i lum djivid’a yam azungeî mazina d’i, nga mi we hohowa mazi suma hokuyod’a karop mazi suma modonod’a d’uo mi. Kayam azi pet ni suma ndjendjed’a, ni suma asa’atna, ni suma a nga de zla d’a ata yat tuo d’ina mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Jeremi 11:4

Ni vun ma djin ma an djinim kabuyogi ngolo ata yima an buzuguzï woi kur ambas sa Ezipte-d’a d’igi für ma kaweina na na, an dazi ala: Agi humugi vama an hagi vuna kama, agi tid’igi yam vama an hagi vuna kama mi. Hina wani, agi mba mbud’ugi sum mana, an mba ni arî Alo magina mi.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Jeremi 32:38

Azi mba mbut sum mana, an mba ni arî Alo mazina mi.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Ezekiyel 14:10

Ma djok vun máma ki ma mba mi djobom zlad’ina djak, a mba zi aneka hi tcho mazid’id’a kaziya,

Ezekiyel 14:12

Ma didina mi dan ala:

Ezekiyel 37:23

Azi mba mbut tazi ndjendjed’a ki filei mazi ma tchet ma ndjendjed’a kandjaf tcho mazi d’a tetenga d’uo d’a. An mba ni prud’uzi woi kur yima lara ge ma azi kak kua ma azi le tchod’a kuana, an mba ni mbud’uzi yed’et. Azi mba ka’î sum mana, an mba ni ka’î Alo mazina mi.

Ezekiyel 37:27

An mba ni min yan ma kaka nadigaziya. An mba ni ka’î Alo mazina, azi mba ka’î sum mana mi.

Ezekiyel 39:22

Kur bur máma Israel-lâ a mba wala an ni Ma didina Alo mazina ki irazi fafat.

Ezekiyel 44:10

Ma didina mi de kua ala: Suma hi Levi suma a d’es sei dei ki sed’en ata yima Israel-lâ a d’es sei dei ki sed’en á tit ad’u filei mazinina, a mba zi aneka hi tcho mazid’id’a kaziya.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Ezekiyel 48:11

A mba handaga ndata mi suma ngat buzu suma ad’u andjafâ hi Sado’â, kayam azi le sunda hi Ma didinid’a ata lovod’ot ki d’engzenga, a le nga d’igi suma hi Levi suma a d’es sei ata yima Israel-lâ a d’es seina na d’i.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Gat ta a hat á mbàd’id’a 13:11

Hina wani, agi Israel-lâ pet, agi mba hum zla ndata, agi mba lagi mandarâ; sa mba mi le andjaf tcho d’a hina d’a adigagi d’uo d’a.

Gat ta a hat á mbàd’id’a 19:20

Suma dingâ a mba hum hina, wani a mba le mandarâ, sa mba mi le tcho d’a tchi matna adigagi d’uo d’a.

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.