Ezekiyel 13:5 - Bible azumeina

⁵ Agi igi nga á min ir gulumun ma hulut teina d’i, agi gagi nga gulumuna yam azì ma Israel-lâ tala mi tchol ad’enga ata yima durâ kur bur ma ayîna hi an Ma didinina d’a d’uo mi.

Ezekiyel 13:5 ပူးပေါင်းရင်းမြစ်များ

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Sawal la giled’a 106:23

Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.

Sawal la giled’a 76:7

Ata yima ang Alona hi Jakob-ma ang ngobozina, suma djang akulumeina a puk kä kakulumei mazina.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 13:9

Gola! Burâ hi Ma didinina nga mi mba. Ni bur ma bei we hohowa sa kur ba na, ni bur ma ayî ma bibiliuna. Mba mi b’lak ambasa woi mi mbud’ut fulâ, mba mi dap suma a le tchod’ina woi mi.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Isai 27:4

An nga ki hur ma zal kurun ndi, wani le an fe aweid’a azi ki kekerezeuna adugu ni, an mba ni tit kaziya, an mba ni ngalazi woi kakud’a.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 58:12

Ni agi ba, mba hulong minigi yima adjeu ma b’lak keina, agi mba tchologi ad’u ge d’a kur atchogoi d’a kal lei dedeid’a akulo. A mba yagi ala: Suma a min ir gulumun ma dris seina, suma a min lovot ta gureid’ina, suma a hulong mbut ambasa djivid’a á kak kurutna.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 23:22

Ladjï azi kak ata yi man ma de d’alâ ni, azi ndak á de zla man nda an data mi sum mana, azi ndak á hulongôzï woi kur tit mazi d’a tchod’a ki sun mazi d’a asa’at ta azi lata mi.

Jeremi 27:18

Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi.

Ezekiyel 13:4

Agi Israel-lâ, magi suma djok vuna a ni d’igi arau ma nga mi tchi hur djonina na.

Ezekiyel 22:30

An nga ni hal sana adigazi á ge gulumuna woi kazi á tchol avoron ir gulumun ma hulut teina á sut ambasa tala ti b’lak kei d’uo d’a. Wani an nga ni fe sa d’i.

Ezekiyel 30:3

Kayam burâ mi ar go, burâ hi an Ma didinina mi ar go, ni bur ma d’ugula mbud’um nduvundina, ni yima ka sariyad’a yam andjaf sumina mi.

Ezekiyel 7:19

A mba tchuk bege mazi d’a hapa woi ir palumba, lor mazid’a mba d’i mbut ni vama ndjendjed’a. Bege mazid’a ki lor mazid’a a mba ndak á sud’uzi woi kur bur ma ayîna hi Ma didinina d’i. A mba hobozi hayazi d’uo mi na, a mba ndagazi d’uo mi, kayam ni azi ba, a tchuguzi kur tcho d’a led’a.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Joel 3:14

Gola! Suma ablaud’a ablaud’a mimiyâk a nga kur hora á ka sariyad’a, kayam burâ hi Ma didinina mi ar wa go á ka sariyad’a kur hor ndata.

Malatchi 1:9

Ma didin ma ad’engêm kal petna mi dala: Ki tchetchemba, agi suma ngat buzuna, agi tchenegi Alona kayam mi wei hohoweya! Ni kayam agi ba, ahle ndazina a mba, na ni mba mi vagi atam djivid’a zu?

1 Tasaloni’â 5:2

Kayam agi wagi tetet ala bur ma Salad’a mba mi mba kuana ni d’igi sama kula mi mba andjege na.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?

1 Samuel 12:23

Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.