Ezekiyel 12:13 - Bible azumeina

¹³ An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.

Ezekiyel 12:13 ပူးပေါင်းရင်းမြစ်များ

Wana ni mbaktumba hi Job-pa 18:10

Ziyo ma a vum ki na, mi ni ngeid’a kä aduk andagad’a, abeid’a ti nga gunda kä kur lovot mamba.

Wana ni mbaktumba hi Job-pa 19:6

Ar agi wagi ala nAlona ba, mi lan tcho ndata ni mamu, ni mam ba, mi nguyun kä kabei mamba mi.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Sawal la giled’a 66:11

Ang arami wa kur ndaka, ang tinimi anek ka ngola kamiya.

Jeremi 24:8

Zlad’a yam tulum ma tcho ma mi ndak á ted’a d’uo na ba wana: An mba ni le ki Sedekiyas amul ma Juda-na ki mam suma sunda ki suma a ar avo Jerusalem suma a ar kur ambas sa wandina ki suma a nga kaka Ezipte-na ni hina dedege mi.

Jeremi 32:5

Amul ma Babilon-na mba mi i ki Sedekiyas Babilon, mba mi kak sä kua gak bur ma an mba ni duma. Le agi durugi ayîna ki suma Babilon-na pî, agi mba kuzuzi d’uo ge?

Jeremi 34:3

Ang mba sut abom mbi, wani a mba vang kad’enga, a mba hang abomu. Ang mba we ir amul ma Babilon-na, mba mi dang zlad’a avunang ngei mbambak, ang mba i Babilon.

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Jeremi 39:7

Bugola, mi tcho ir Sedekiyas seyo, mi gum alei ma kawei ma hleuna asem mi im Babilon.

Jeremi 50:24

Ang azì ma Babilon-na, an gun wa dauna kä kangû, mba mi vang bei ang we ba. Ata yima a fangâ, a mba vangû, kayamba ang dur ki an Ma didinid’a.

Hor ma tchina 1:13

Mi sunï akud’a akulo, nga d’i ngalan aduk asogonu. Mi gun dauna kä avoronu, mi gan kaziganu, mi mbud’un hohoud’a. An nga ni fe ndaka burâ ki burâ.

Hor ma tchina 3:47

Mandarâ ki bad’a ki b’laka ki pleîd’a a mba kamiya.

Ezekiyel 1:3

Ata yi máma Ma didina mi de zlad’a mi an Ezekiyel ma ngat buzuna Buzi goroma yam ambasa hi suma Babilon-nid’a avun alum ma Kebar-râ. Ni kua ba, Ma didina mi tin abom kanu.

Ezekiyel 12:6

Ang yo ahlena keleng kä irazi na, ang nde kandjeged’a, ang zlup ahlena woi irangû, ang gol ambasa d’i. Kayam an min ala ang mbut ni vama taka yam Israel-lâ.

Ezekiyel 17:16

Salad’a Ma didina mi dala: An Ma bei matna ni gun tan ala: Amul máma mba mi mit sä ni kur ambasa hamul ma mi tinim amulina avo Babilon, kayam mi gol gun ta d’a mi gunum tamba is, mi but vun ma djin ma a djinim aduk tazina woi mi.

Ezekiyel 17:20

An mba ni gun dau mana kä avoromu; mba mi ve ki dau mana, an mba ni im Babilon, an mba ni kam sariyad’a kam sä kua yam sun nda tcho d’a mi landjid’a.

Ezekiyel 32:3

Salad’a Ma didina mi dala: An mba ni gun abei mana kä aduk toka hablau sumid’a kangû, suma a mba vangû, a mba tanang akulo del gongôd’id’a.

Wana ni mbaktumba hi Oze-d’a 7:12

Ata yima azi nga ina, an mba ni tchuguzi abei manda kaziya, an mba ni tchuguzi kä d’igi aluwei suma akulona na. Ata yima azi nga tok kuana, an mba ni vigiziya.

Wana ni Zla d’a Djivi d’a Luc mi b’irita 21:35

Kayam bur máma mba mi mba ni d’igi dauna na yam suma yam andagad’ina pet.