Ezekiyel 1:27 - Bible azumeina

²⁷ An we vama dingâ kua d’igi kawei ma hleu ma a hegem mbeina na. Nga mi ngal wiwilik, hle tam d’igi aku d’a nga d’i b’o yina woi gevet peta na. Tinï ad’ud’a kä ata ata vama he tam d’igi fur sana na na dei gak i kam akulo, tinï ad’ud’a ata furum dei gak i kä andaga, an we vama hle tam d’igi akud’a na b’o nguyum mbei d’uhl mi.

Ezekiyel 1:27 ပူးပေါင်းရင်းမြစ်များ

1 Sunda Hamuleinid’a 16:27

Subura ki ngola ni mamba, ad’enga ki furîd’a a nga kur yi mam ma kud’ora.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Buzuk ka Abud’a 24:17

Subura hi Ma didinid’a ti nde woi ir Israel-lâ ni d’igi sin aku d’a nga d’i ngal akulo yam ahinad’id’a na.

Ezekiyel 1:4

Ata yi máma an gola, an we babar ma ngol ma bibi’â mi tcholï abo ma norâ ki d’ugul la ngola zlapa kakud’a, nga d’i wile ti ngui yina woi gevet d’uhl. Vana nga mi wile adigat d’igi kawei ma hleu ma a hegema na, mi nde woi aduk aku ndata.

Ezekiyel 8:2

An nga ni gol yina. Gol wani, vana hle tam d’igi sana na mi nga tchola. Tcholï akulo ata furum dei gak i kä asem nakud’a, tchol ata furum dei gak i akulo kam vana nga mi wile d’igi kawei ma hleu ma a hegem mbeina na mi.

Habakuk 3:4

Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Hebre-na 12:29

kayam Alo meina naku d’a nga d’i ngal ahlena woid’a.