Ezekiyel 1:24 - Bible azumeina

²⁴ Ata yima azi nga ina, an hum siwela hi gigingâzid’a d’igi siwela habil alum ma ngolîd’a na, d’igi dela hi Ma ad’engêm kal petnid’a na, d’igi siwela hi azigar suma ablau suma mimiyâ’îd’a na. Ata yima a tcholâ, a sumot gigingâzi kä.

Ezekiyel 1:24 ပူးပေါင်းရင်းမြစ်များ

2 Amuleina 7:6

Kayam Salad’a mi mal hum suma kur kang ma Siri-na á hum asem azigar suma ad’engâ tchina kakulumeina ki pus mazi ma dur ayîna mi. Suma Siri-na a nga de tazi ala: Amul ma Israel-lâ mi wura’î suma Het-na ki suma Ezipte-na. Kayam ndata, azi sunï azigar mazina á duri wana.

Wana ni mbaktumba hi Job-pa 37:2

Agi humugiya! Agi humugi delem mba breîd’a, agi humugi ngop pa nga d’i ndei avunamba.

Sawal la giled’a 18:13

Ata yi máma d’ugula b’rau woi abo wile mamba, mogoina kakud’a ki gordjona a yak kä.

Sawal la giled’a 68:33

Agi amulei suma nga tagi leud’a yam andagad’ina, agi suburugi Alona ki sawala, agi gilegi Salad’a mi. Tchol ndjö

Ezekiyel 10:5

Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na.

Ezekiyel 3:13

An hum siwela hi giging ahle suma arina, nga mi tchi ata tamu, ki siwela habo pusîd’a gevezi mi. Ni siwel la ngol la kal lei papad’a.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Daniel 10:6

Tamî d’igi ahina d’a guzut kal teglesa na, iram wile ni d’igi wiled’a halonid’a na, iram mba gola ni d’igi sin akud’a na, abom kasem a wile ni d’igi kawei ma hleu ma a hegem mbeina na. Ata yima nga mi de zlad’ina, an hum delem nga d’i siwel d’igi dela hablaud’id’a na.

Vama ndum mbeina 1:15

Asem wile d’igi kawei ma hleu ma a gum aduk aku d’a tchafina na. Delem mba ded’a ti tchi d’igi mbiyo ma avun vorina na.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.