Ester 1:10 - Bible azumeina

¹⁰ Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.

Ester 1:10 ပူးပေါင်းရင်းမြစ်များ

Ad’u Tinda 43:34

Josef mi hazi te ma avoroma, wani mi he mi Benjamin kal yam ma hi b’oziyomina yam vahl; azi tche süma ki sed’em gak a nde sanda.

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

Ester 1:9

Amam mba amula Vasti ti le te ma luna maropma kur azì ma amula hamulâ Asuwerus-sâ mi.

Ester 3:15

Suma sunda a buzuk a i ki vun ma hed’a hamulîna atogo zak, suma dingâ a tchi wal zla ndata kur azì ma Sus-sâ mi. Ata yima amulâ ki Haman a kak kä á tched’ina, suma kur azì ma ngol ma Sus-sâ djib’erezi b’lak ngola.

Ester 7:9

Ma dingâ tu aduk azungeîna a yum ala Harbona mi de mamulâ ala: Gola! Haman mi min nga aguna fiyagam mba akulod’a metred’a dok mbà yam vahl yam Mardose ma mi de zla manga djivid’ina. Amulâ mi dazi ala: A tchugum ziyona kelem akulo ata agu máma!

Zla d’a d’ogolâ 20:1

Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Zla d’a d’ogolâ 31:4

Lemuel, nga djivid’a tala amuleina a tche süm guguzlud’a d’a d’i, d’oze suma nglona a tche süm ma ayîna d’a d’uo mi.

Ma tchi wala 10:19

Suma a le tena ná aîd’a, a le süm guguzlud’a ná furîd’a, beged’a ti ndak á lahlena pet mi.

Suma ka sariyad’a 16:25

Kur furî mazid’a a dala: Agi i yagï Samson mi mbeï mi lei zla d’a sanda. A yï Samson ndei kur dangeina, nga mi lü djongâ avoroziya. A tcholom aduk grak ka hur gongid’a.

Suma ka sariyad’a 19:6

Bugola, azi zla tazi djak a te, a tche. Gora abutna mi de mi ndjuvut ala: Ar tang lang djivid’a, ang ve tang ang bur to, ang i tua.

Wana ni mbaktum mba a b’irit yam Rut-ta 3:7

Bowas mi te, mi tche, tam mbi lum djivid’a, mi i bur kä avun awu mam ma nga mola kä na. Rut ti mbeï lam lam, ti yo borogo ma asema akulo, ti bur kä.