Efes-sâ 2:2 - Bible azumeina

² Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

Efes-sâ 2:2 ပူးပေါင်းရင်းမြစ်များ

Wana ni mbaktumba hi Job-pa 1:16

Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!

Wana ni mbaktumba hi Job-pa 1:19

Gol wani, babar ma ngolâ mi tcholï abo ma hur fulîna, mba mi giget gonga kengêt ma fid’ina, ti dris kä yam grong ndazina, a bo. Ni an tu ba, ni sud’a, ni mba á dang wana!

Wana ni mbaktumba hi Job-pa 1:7

Ma didina mi de mi Seitan ala: Ang tcholï ni lara ge? Seitan mi hulong de mi Ma didina ala: An nguyï ni tita yam andagad’a á vat tan ndeyo.

Wana ni mbaktumba hi Job-pa 31:7

Le asen ma tita mi d’es sei kur lovot ta d’ingêra, le hurun mi tit bugol iranu, le abon mi do vama tcho ni,

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Isai 30:1

Ma didina mi dala: Ni zla d’a hohoud’a yam agi gro suma bei hum vuna ba na. Kayam agi nga lagi sunda yam nga hur ma tcholï nga atan nduo na, agi nga djinigi vunagi yam zla d’a bei an kua ba d’a á tok tchod’a yam ndrat tchod’a.

Isai 57:4

Agi lazagi ni nge ge? Agi ngogi vunagi woi hagak agi trâgi sinagi bibiliu nata nge ge? Agi ni gro suma bei hum vuna d’uo zu? Agi nandjaf ma ka zlad’a mi d’uo zu?

Jeremi 23:10

Suma le mizeuna a oî kur ambasa. Kayam ndata, ambasa ti nga kur yor tad’a, hat ma abagei hur fulîna mi so woi mi. Kayam suma a nga b’at tazi á le tchod’a, a ve tazi ad’enga ná le sun nda ata yat tuo d’a hol.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Sunda hi suma hi Levi-nid’a 11:16

arigeta, atukturuna, akeketna ki bolona kandjavam pet mi,

Matiye 11:19

An Gor Sana ni mba, nga ni te, nga ni tche. Suma a nga dala: Gola! Sa máma ni sama b’oid’a, ni sama tche süm guguzlud’a heîna, ni suma ve lombod’a azi ki suma tchona banazina. Wani ned’a hAlonid’a ti tak kei ala ndat ni d’ingêru ni ki sun mat ta led’a.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Matiye 13:38

Asinena ni duniyad’a; andjaf ma djivina ni gro suma a mba te leud’ina; barumba ni Ma tchona groma.

Marik 4:19

wani djib’era hi duniyad’id’a ki d’od’oka hi beged’id’a ki lelemba hahle suma dingîd’a a kal kuruziya, a hep zlad’a akulo ped’et bei le irâ.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Wana ni Zla d’a Djivi d’a Luc mi b’irita 22:31

Jesus mi de kua ala: Simon, Simon, gola! Seitan nga mi tchen kagi á yigigi d’igi suma a yik awuna na,

Jean 12:31

Ki tchetchemba, sariyad’a nga yam duniya ndata, an mba ni dik ma te yam duniya ndatina woi abua.

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,

Jean 13:27

Bugol la Judas mi vavuna dad’a, Seitan mi kal kurumu. Kayam ndata, Jesus mi de mi Judas ala: Vama ang luma, ang lum atogo.

Jean 14:30

An dok de zla ki sed’egi ngol luo d’a, kayam ma te yamba hi duniyad’a nga mi djïya. Mi nga kad’enga kan ndi,

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Jean 16:11

yam sariyad’a kayam Alona ka wa sariyad’a yam ma te yam duniyad’ina da’.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Jean 8:23

Jesus mi dazi ala: Agi ni suma kä na, an ni ma akulona, agi ni suma hi duniyad’ina, an ni hi duniyad’ina d’i.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Sunda hi suma a sunuzinid’a 19:35

Ata yi máma, ma b’ir mbaktum ma hur azinina, mi seng ablau suma. Mi dazi ala: Agi suma Efes-sâ, suma pet a wala azì ma ngol ma Efes-sâ ni ma ngom gong nga ngola hi Artemis-sa ki vama hle tam d’igi ndat na ma mi ndeï kä yam andagad’ina.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

1 Korente-na 5:10

An dagi nga ni yam suma duniya suma a nga le mizeuna, suma a’arad’a, suma kula ki suma tuwal fileina d’i. Le ni na ni, djivid’a agi walagi woi ki duniyad’a.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Efes-sâ 1:21

Christ nga mi te yam suma te yamba pet, yam vun ma hed’a, yam suma ad’enga, yam suliyo d’a sud’a pepet ki simi ma lara ge pet ma a nga yuma, ni kur atchogoi d’a wanda hol li, wani kur ra nga d’i mbad’a mi.

Efes-sâ 2:11

Kid’a adjeu agi nandjaf suma dingâ tua d’a, Juif-fâ a nga yagi ala agi ni suma bei ngat bayâd’a. Ni bayâ d’a suma a nga ngad’ata. Kayam ndata, ar agi djib’eregi yam kak magi d’a adjeud’a.

Efes-sâ 2:13

Wani ki tchetchemba, yam Jesus Christ, agi suma adjeu woi deina, Alona mi hud’ugï wa go ki buzuna hi Christ-sâ.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Efes-sâ 5:8

Kayam adjeu agi ni kur nduvunda, wani ki tchetchemba, agi zlabagi tu ki Salad’a, agi ni kur b’od’a. Kayam ndata, agi tid’igi d’igi suma a nga kur b’od’ina na.

Efes-sâ 6:12

Kayam ei duri ayîna ni ki suma d’i, wani ni ki muzuk ma teteng ma tcho ma te yamba, ni ki muzuk ma teteng ma tcho ma ad’eng ma nga mi te yam duniya d’a nduvun nda wandina, ni ki muzuk ma teteng ma tcho ma nga aduk akulod’ina.

Kolos-sâ 1:21

Agi ni suma adjeu wala woi dei kAlonina. Kur djib’er magid’a agi ni suma djangû mama kur sun magi d’a tcho d’a led’a.

2 Timote 4:10

Demas mi aran wa, kayam hurum ve duniya d’a wanda heî, mi i wa Tasalonik. Kresen mi i wa Galat, Tit mi i wa Dalmati mi.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.

Jacques 1:7

Sama hina na, ar mi djib’er ala mam mba mi fe va abo Salad’a na d’i,

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Pierre 1:14

Agi gagi yagi kä avok Alona, agi tid’igi kur min magid’a d’igi agi tid’igi adjeu kur bei wed’id’a na d’i.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

1 Jean 5:4

kayam nge nge pî ma Alona mi vud’uma, nga mi kus yam duniyad’a. Vama kus yam duniyad’ina ni he gagazi meid’a.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 16:17

Malaika ma kid’iziyana, mi vo mama akulo aduk simetna. An hum del la ngola ti ndeï kur gong nga kud’ora hAlonid’a, ata yima zlam mba amula nga kuana ala: Ndak wa da’.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.