Buzuk ka Abud’a 9:16 - Bible azumeina

¹⁶ Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Buzuk ka Abud’a 9:16 ပူးပေါင်းရင်းမြစ်များ

2 Samuel 7:23

Andjaf ma ding ma yam andagad’a ma d’igi Israel-lâ na na nga d’i. Ni mam ba, ang i pad’am mbei abo Ezipte suma a nga djobom vunam kalo mazina tetengâ, ang mbud’um andjaf mangâ. Ang suburum simiyêmu, ang lahle suma atchapma kahle suma mandarâ kam kur ambas manga mi.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

1 Sunda Hamuleinid’a 16:24

Agi dagi woi yam subur mamba avok andjaf suma pet, agi tagagi sun mam mba ndandala woi avok suma pet mi.

Nehemi 9:10

Ang tak ahle suma yoyou suma ndandalâ woi ata Faron, ata azungeî mama, ata suma yam ambas mambina pet mi, kayam ang we murud’um mba ngol la azi lat mabuyomi ngolod’a, ang tak subur manga woi atazi d’igi ini na mi.

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Sawal la giled’a 64:9

Gola! Zla mazid’a ti hulong wa kaziya! Suma pet suma a wazina a nga kidjik yazi ad’uziya.

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Buzuk ka Abud’a 9:15

Ki tchetchemba, ladjï an tumung ang ki sum mangâ ni ki tugud’ei d’a tcho d’a tchi matna ni, ang ki sum mangâ agi dabagiya wa woi yam andagad’a da’.

Buzuk ka Abud’a 9:17

Le ang d’el sum mana, le ang arazi a i nga d’uo ni,

Zla d’a d’ogolâ 16:4

Ma didina mi lahlena pet ni nga d’a yam va mbeî; sama asa’atna pî, mi lumî yam bur ma ndaka.

Jeremi 32:20

Ang nde kahle suma yoyouna kahle suma atchapma woi yam andaga d’a Ezipte-d’a gak ini. Aduk Israel-lâ, aduk suma dingâ mi, ang he simiyêng ngola gak ini.

Ezekiyel 39:21

An mba ni tak subur manda mandjaf suma. Andjaf suma pet a mba we sariya d’a an mba ni kazizi kazid’a, a mba wabon ma an mba mi tozi ki na mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Ndumba 14:21

Wani gagazi, an ni Ma bei matna, subur manda mba d’i oî yam andagad’a pet mi.

Romê-na 9:17

Kur mbaktum mamba, Alona mi de mamul ma Ezipte-na ala: An tining amula ná tak ad’eng manda woi atangû, kayam simiyên mi wet tei yam andagad’a pet.

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

Josue 4:24

Mi le na kayambala suma yam andagad’ina pet a wala Ma didina ni ma sib’ika, kayambala agi lagi mandara Ma didina Alo magina burâ ki burâ d’a.

1 Pierre 2:19

Wani le sana mi ve tam ad’enga kur ndaka kayamba mam ge yam kä avok Alonid’a ni, Alona mba mi suburumu.

1 Pierre 2:8

Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

1 Samuel 4:8

Ei bai wa woi da’! Ni nge mba mi sud’i woi abo alo ma ad’eng mamba kal tegles ma djop vun Ezipte-na ki tugud’ei d’a tcho d’a tchi matna abagei hur fulîna ge?