Buzuk ka Abud’a 8:4 - Bible azumeina

⁴ Faron mi yï Moise azi ki Aron, mi dazi ala: Agi tchenegi Ma didina kayam mi dik greneûna woi kan ki sum mana; an mba ni ar Israel-lâ a i á hahle suma ngat buzuna mi Ma didina.

Buzuk ka Abud’a 8:4 ပူးပေါင်းရင်းမြစ်များ

1 Amuleina 13:6

Atogo hina zak amulâ mi de sana hAlonina ala: Ang tchen Ma didina Alo mangâ mi vat hurum mbei kanu, mi mbud’un abon blangâm ma adjeuna. Sana hAlonina mi tchen Ma didina; amulâ abom mi mbut blangâm ma adjeuna mi.

Sawal la giled’a 107:40

Ma didina mi gol suma nglona hi suma a nga lazi magombina is, mi mbud’uzi suma daud’a abagei hur ful ma lovota nga kua d’uo na.

Buzuk ka Abud’a 10:17

Wani ki tchetchemba, agi vad’agi hurugi woi kanu, agi i tchenegi Ma didina Alo magina, ar mi hle ndak ka tcho d’a tchi mat ndata woi kan wü d’a.

Buzuk ka Abud’a 8:24

Faron mi dum ala: Djiviya! An aragiya, agi i hagi ahle suma ngat buzuna mi Ma didina Alo magina nabagei hur fulâ go. Wani agi igi dei d’uo, agi tchenegi kan mi.

Buzuk ka Abud’a 8:3

Wani suma kuma suma Ezipte-na a lahle mazi suma mbut ndazina hina mi. Greneûna mi buzugï woi yam ambas sa Ezipte-d’a mi.

Buzuk ka Abud’a 8:5

Moise mi de mi Faron ala: Sama ngolâ, ang ngan burâ, ni mindja ba, an tchen Ma didina kayam ang kazungeî mangâ ki sum mangâ tala greneûna mi buzuk kei avo hatang avo hi sum mangâ d’a ge? Mba mi arî kur alum ma Nil-lâ hol.

Buzuk ka Abud’a 9:28

Agi i tchenegi Ma didina tala breîd’a ki mogoina a le d’uo d’a. An mba ni aragi agi igiya, an mba ni d’elegi d’uo d’a.

Isai 19:11

Suma nglo suma Sowan-na ni suma bei ned’a, suma ne suma de d’alâ hi Faron-na a nga de d’al ma lilid’a mi. Ni nana ba, sana adigagi mba mi ndak á de mi Faron ala: An ni suma ned’a gorozina an nandjafâ hi suma nglo suma adjeuna ge?

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Ndumba 21:7

Suma a arâ a i gen Moise, a dum ala: Ami lami tchod’a, kayam ami guruyômi yam Ma didina, kang ang mi. Ang tchen Ma didina, mi yo guguyo ndazina woi atamiya. Moise mi tchen Ma didina yam suma.