Buzuk ka Abud’a 8:22 - Bible azumeina

²² Moise mi hulong dum ala: Nga ata yat ti, kayam ahle suma ngat buzu suma ami hazi mi Ma didina Alo maminina nahle suma ndjendjed’a ir Ezipte-na. Le ami hami ahle suma ngat buzu suma ndjendje ndazina kä iraziya ni, a mba durumi kahinad’a á tchami woi d’uo zu?

Buzuk ka Abud’a 8:22 ပူးပေါင်းရင်းမြစ်များ

Ad’u Tinda 46:34

agi dum ala: Ami azungeî mangâ ni suma ngom d’uwarâ ki gugurei tami dei gak ini d’igi abuyomi ngolo hina. Hina wani, mba mi hagi vuna á kagagi yam ambas sa Gosen-nda, kayam suma pol aho’â pet, Ezipte-na a golozi ni is.

Sawal la giled’a 110:2

Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

Sawal la giled’a 74:12

Alo mana, angî amul ma kad’u tinda dedeina, angî ma prut suma woi avun ayîna yam andagad’ina.

Buzuk ka Abud’a 10:23

Sa nga mi we ndram mbi, sa nga mi djok kei ata yima mam nga kaka kuana d’uo mi gak burâ hindi. Wani b’od’a ti nga ni ata yima Israel-lâ a nga kaka kuana hol.

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Buzuk ka Abud’a 19:5

Ki tchetchemba, le agi humun vunanu, agi ngomogi vun man ma djinda ni, aduk suma yam andagad’ina pet agi mba mbud’ugi ni sum mana, kayam andagad’a pet ni manda.

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Buzuk ka Abud’a 7:17

Ni kayam ndata ba, Ma didina mi dala: Nata vama simat ma wana ba, ang mba wala an ni Ma didina. Gola! An nga ni wat mbiyo alum ma Nil-lâ ki totogo d’a abonda, mbina mba mi mbut buzuna!

Buzuk ka Abud’a 7:5

Ata yima an mba ni ngop Ezipte-na, ni buzugï Israel-lâ woi adigazina, azi mba wala an ni Ma didina.

Buzuk ka Abud’a 8:10

A molom gubud’a gubud’a; ambasa b’ik kä ki hisâ b’ib’ik.

Buzuk ka Abud’a 8:21

Faron mi yï Moise azi ki Aron, mi dazi ala: Agi i hagi ahle suma ngat buzuna mAlo magina, kur ambasa ka hî.

Buzuk ka Abud’a 8:23

Mbeî ami i tid’imi gak burâ hindi abagei hur fulâ á hami ahle suma ngat buzuna mi Ma didina Alo mamina d’igi mi hami vuna na.

Buzuk ka Abud’a 9:26

Ni yam ambas sa Gosen nda Israel-lâ a nga kaka kuad’a go ba, mogoina mi se nga kat ti.

Buzuk ka Abud’a 9:29

Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina.

Buzuk ka Abud’a 9:4

An Ma didina mba ni wal ir d’uwarâ hi Israel-lîna woi ki ma hi Ezipte-nina; d’uwarâ hi Israel-lîna pet mba mi mit tu d’i.

Buzuk ka Abud’a 9:6

Tcha ndjivinda, Ma didina mi le na. D’uwarâ hi Ezipte-nina pet mi dap bod’a, wani d’uwarâ hi Israel-lîna tu pî mi mit nga d’i.

Ezekiyel 30:19

An mba ni ka sariyad’a yam Ezipte-na. Hina wani, azi mba wala an ni Ma didina.

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.